Matalikilo 29:32 - Baibo Busansulushi Bwa Libuku Ili

³² Leya wakamita akutumbuka mwaana musankwa. Mpeeke wakaamba ayi, “Lesa wabona mapensho angu ono bulya beebaangu batoonsuna.” Paceebo ceeco wakamutumba ayi Lubeni.

Matalikilo 29:32 교차 참조

Dutolonomi 26:7

Kuswawaawo twakalilila Mwaami Lesa, Lesa wa bamashali besu bakulukulu ayi atucafweeko. Lyalo wakanyumfwa kulila kwesu akubona mbuli mbotwakalinga kupenshekwa, kupekwa milimo iyumu alimwi ambotwakalinga kuungumana abuumbi.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Luka 1:25

“Lesa ono wanyumfwila nkumbu wankusha nsoni pameenso a bantu.”

Kulumbaisha 106:44

Nakubi boobo Mwaami Lesa wakanyumfwa kulila kwabo alimwi wakabona buumba bwabo.

Kulumbaisha 25:18

Amubone mapensho angu oonse akuungumana kwangu, lyalo mundekelele shibiibi shangu shoonse.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

1 Samwelo 1:20

Aboobo wakamita. Lyalo wakashala mwaana musankwa akumutumba ayi Samwelo, caamba ayi, “Ndakamusenga kuMwaami Lesa.”

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

Matalikilo 42:27

Pamusena mpobakoona, umwi wakacalula lisaka lyakwe ayi asanine mbongolo. Ndyaakacalula wakacanabo maali akwe peculu.

Matalikilo 42:22

Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

1 Makani 5:1

Aba mbamulunyungu lwakwe Lubeni uyo wakalinga mwanaakwe Jakobo musankwa wakwiiya. Ono ceebo mwaana uyo wakakumana akasuwa wa baishi, wakasowa nkusu sha bunenebantu bwakwe lyalo nkusu isho shakapekwa kubana bakwe Josefu mwanaakwe Isilaeli. Paceebo ceeco taakwe kubelengelwa pamundando wa bamulunyungu lwakwe Jakobo kweelana akushalwa kwakwe.

Matalikilo 16:11

Mpeeke munjelo wa Mwaami Lesa wakamwaambila alimwi ayi, “Ono bulya wamiita, ulaakuba amwaana musankwa, ulaakumutumba ayi Ishimaeli ceebo Lesa wanyumfwa mapensho ako.

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 35:22

Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi. Jakobo wakalinga kucite baana bali likumi abobilo.

Matalikilo 29:31

Mwaami Lesa ndyaakabona kwaamba ayi Leya taakalinga kusunikwi bwakalinga kusunikwi Lakelo, wakalengesha ayi lakwe akonshe kuba abaana, sombi Lakelo awomuubo.

Shakubelenga 1:5

Meena a basankwa beshi bakamucaafwe ngaaya. Mukowa Mutanjilili wa mucipani ca mumukowa Lubeni Elisuli mwanaakwe Sheduwa

Matalikilo 35:23

Bana bakwe Leya basankwa bakalinga Lubeni, uyo wakalinga ngomwaana musankwa munene wakwe Jakobo, Simyoni, Lefi, Juda, Isaka, aSebuluni.

Dutolonomi 27:13

Apalo pakunooshingana, mikowa iyi njeyeelete kwiimikana paKalundu ka Ebali. Mukowa wakwe Lubeni, Gadi, Asha, Sebuluni, Dani alimwi alimwi aNafutali.