Matalikilo 29:17 - Baibo Busansulushi Bwa Libuku Ili

¹⁷ Leya wakalinga kucite meenso atakalinga kukondelesha, sombi Lakelo wakalinga kwiimfwi kabotu alimwi kaali mubotu.

Matalikilo 29:17 교차 참조

Matalikilo 12:11

Ndyaakalinga pafwaafwi akusotoka nyinsa ya Ijipiti, wakaambila Salai mukaakwe ayi, “Webo uli mwanakashi mubotu abuumbi.

Mateyo 2:18

“Liswi lyanyumfwika muLama, kooloma kwa mibila. Lakelo utoolila bana bakwe, wakaka akuumushikwa mukwiinga bafwa.”

Jelemiya 31:15

Mwaami Lesa waamba ayi “Liswi lyanyumfwika muLama, kooloma kwa mibila. Lakelo utoolila bana bakwe wakaka akuumushikwa mukwiinga bafwa.”

Tushimpi 31:30

Kacawa kalacenjeeka akwalo kuboneka kabotu kulamana sombi mwanakashi ulemeka Mwaami Lesa ulyeelete kulumbaishikwa.

1 Samwelo 10:2

Waswa kokuno sunu, utookumanya basankwa bobilo pafwaafwi acuumbwe cakwe Lakelo kuSelusa mucishi cakwe Benjameni. Basankwa abo batookulwiita ayi mbongolo nshemwakalinga kulangoola shacanika. Aboobo baiso bacileka kulisukama pambongolo, sombi balilisukemebo pali ndiwe. Balicitekobo kuliipusha ayi, ‘Anu ntoocita buyani pamwanaangu.’

Matalikilo 48:7

Ici ntoocicita ceebo ca banyoko baLakelo. Ndakaba abuumba bunene abuumbi ndibakafwa muKenani, pafwaafwi aEfulati, ndindakalinga kuswa kuMesopotamya. Ndakababika kweenka kulya munshaanshila iya kuEfulati.” Efulati bulya iletwa ayi Betileemu.

Matalikilo 39:6

Potifa wakabika shoonse mumaansaakwe Josefu alimwi taaku ncaakalinga kubikaako maano kulekabo cakulya ncaakalinga kweelete kulya mwiine. Josefu wakalinga kwiimfwi kabotu alimwi wakalinga kuboneka kabotu abuumbi kuciwa.

Matalikilo 35:24

Bana bakwe Lakelo nguJosefu alimwi aBenjameni.

Matalikilo 30:22

Mpomunyaawo Lesa wakeebaluka Lakelo akukumbula mupailo wakwe. Mpeeke wakamulengesha kukonsha kuba abaana.

Matalikilo 29:18

Jakobo wakalinga kusunishi Lakelo, aboobo wakaamba ayi, “Na mwansuminisha kweeba Lakelo inga ndamusebensela myaaka yosanwe ayobilo.”

Matalikilo 24:16

Wakalinga mwanakashi cikula bwangu mubotu abuumbi alimwi wakalinga kucilibo mooye. Wakaya kumukalo wateka maanshi akuboolela.

Matalikilo 12:14

Ndyaakasotoka nyinsa kuya muIjipiti, bene Ijipiti bakamubona mukaakwe Abulamu ayi ngumubotu.

Matalikilo 26:7

Ono basankwa bakooko na bamwiipusha pamukaakwe, wakalinga kubaambila ayi ngunankashi yakwe. Taakalinga kusumina ayi ngumukaakwe kuloonda ayi inga bamucaya mukuyanda kubwesa Labeka uyo wakalinga mubotu abuumbi.

Matalikilo 29:16

Ono Labani wakalinga kucite baana banakashi bobilo. Munenebantu wakalinga kwiitwa ayi Leya, mwanikebantu kaali Lakelo.

Matalikilo 29:30

Jakobo wakakumanaakwe Lakelo alakwe alimwi wakalinga kumusuni kwiinda Leya. Lyalo wakasebensela Labani myaaka aimwi ili yosanwe ayobilo.