Matalikilo 28:5 - Baibo Busansulushi Bwa Libuku Ili

⁵ Lyalo Isaki wakamuleka Jakobo waya kuMesopotamya kuli Labani, uyo wakalinga mwanaakwe Betiwelo mwine Alamiya, alimwi ngonandumi yakwe Labeka, banyina Jakobo aEsau.

Matalikilo 28:5 교차 참조

Matalikilo 25:20

Isaki wakalinga kucite myaaka ili 40 ndyaakeeba Labeka mwanaakwe Betiwelo uyo wakalinga mwine Alamiya kuswa kuMesopotamya, alimwi nankashi yakwe Labani.

Matalikilo 27:43

Ono omwanaangu ucite nceshi nkwaambile. Unyamuke bulya uye kuli nandumi yangu Labani kuAlani.

Matalikilo 29:12

Mpeeke wakamulwiita ayi, “Nebo ndishikamukowa wa baiso. Ndimwanaabo baLabeka.” Lakelo wakacica waya walwiita baishi.

Osiya 12:12

Jakobo wakacicila kucishi ca Silya. Isilaeli wakasebensa kwaamba ayi eebe mukaakwe. Ee, kwaamba ayi amulipilile, wakeembela mbelele.

Matalikilo 22:23

Betiwelo ngowakalinga ishi Labeka. Milika ngowakashala baana aba bali bosanwe abotatwe kuli Nawoli mukwabo Abulaamu.

Matalikilo 24:54

Lyalo lakwe abasankwa mbwaakalingaabo bakalya akoona kweenka uko. Ndibakabuka macuunsa, musebenshi uyo wakaamba ayi, “Amuleke ono mboolele kuBaami bangu.”

Matalikilo 28:2

Sombi uye kuMesopotamya, kuŋanda ya bankambiyako baBetiwelo, ukeebele nkuko pakati ka bana babo bashimishaanu baLabani.

Matalikilo 29:1

Jakobo wakatolelela lweendo lwakwe akuya kucishi cakalinga kwicwe.

Matalikilo 31:24

Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Matalikilo 35:27

Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.

Dutolonomi 26:5

Lyalo kunembo lya Mwaami Lesa, Lesa wanu mulaakunokwaamba ayi, ‘Mushali wangu mukulukulu wakalinga mwine Alamu shikwiingaila uyo wakatola bamuŋanda yakwe kucishi ca Ijipiti. Pakuya bakalingabo baniini, sombi bakafula akuba mushobo unene wa nkusu.

Esekelo 27:16

“ ‘Bene Silya bakalinga kucita makwebo andiwe ceebo ca shintu shiinji nshewakalinga kupanga. Bakalinga kuleta mabwe amakwebo eetwa ayi emalodi, shisani shifubelafubela, shisani shakatunga shakubotesha, nsalu shiteshimite, kolali amabwe amakwebo eetwa ayi lubi mukushintana amakwebo ako.