22 Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.
Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo.
Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.
Lesa wakaambila Jakobo ayi, “Bulya onoono koya kuBetelo ukekaale nkuko. Ukanjakile cipaililo uko, neLesa uyo wakaboneka kuli ndiwe ndiwakalinga kucica nandumi yako Esau.”
Wakayakaawo cipaililo akucitumba ayi Eli, liina lyakwe Lesa wa bene Isilaeli.
Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”
Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.
Lyalo Abulaamu wakashanga mubanga muBiyasheba akulambila Mwaami Lesa wamuyayaya.
Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”
Aboobo Josefu wakabika mulawo wa cishi ca Ijipiti wakwaamba ayi comwi ca shosanwe pakutebula nca mwaami. Uyu mulawo abobulya ucisebensa. Myuunda yeenka yakalinga ya bapailishi njeitakwebo kuba ya mwaami.
Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.
