Matalikilo 28:18 - Baibo Busansulushi Bwa Libuku Ili

¹⁸ Jakobo wakabuka macuunsa bushiku bwakaboolaawo, wabwesa libwe ilyo ndyaakataaminaawo akuliimika kwaamba ayi libe ciibalusho. Kuswawaawo wakapuumwitawo mafuta a olifi ayi libe lisalalite kuli Lesa.

Matalikilo 28:18 교차 참조

Matalikilo 35:14

Palya peenka Lesa mpaakaamba kuli nguwe, Jakobo wakabikaawo libwe lyakwiibalukilaawo akulisalasha kwiinda mukupuumwitaawo waini alimwi amafuta a olifi.

Matalikilo 31:45

Aboobo Jakobo wakabwesa libwe waliimika ayi cibe ciibalusho.

Matalikilo 35:20

Jakobo wakabikaawo libwe lyakwiibalukilaawo apo. Ono abobulya licitondesha cuumbwe cakwe Lakelo.

Matalikilo 31:13

Ndime Lesa uyo wakaboneka kuli ndiwe kuBetelo uko nkowakeemika libwe ayi cibe ciibalusho akulipuumwita mafuta a olifi. Alimwi nkokooko nkowakashomeshesha cakulumbila kuli ndime. Ono libambile kupiluka kucishi nkowakashalilwa.’ ”

Isaya 19:19

Ciindi ico caakushikila mukati mwiine muIjipiti mulaakuba cipaililo cakulambililaawo Mwaami Lesa. Akwalo kunyinsa ya ncico kulaakuba licincilo lyeshi likayakwe mukupa bulemu Mwaami Lesa.

Shikushimikila 9:10

Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Kulumbaisha 119:60

Ndafwambaana kucita kweelana amilawo yanu, ncakwiila nshishingooki napaceyuubo.

2 Samwelo 18:18

Ono Abusalomu kaacili muumi wakayaka cintu cakwiibalukilwaawo muCinyika ca baMaami mukwiinga wakayeeya ayi, “Bulya mboontacitewo mwaana musankwa weenga wacaasha liina lyangu, lilaakuloba.” Cintu ico wakacitumba liina lyakwe alimwi abobulya ciciitwa ayi Cakwiibalukilwaawo cakwe Abusalomu.

1 Samwelo 7:12

Lyalo Samwelo wakabwesa libwe akulibika pakati ka ndabala ya Misipa aSheni. Libwe ilyo wakalitumba ayi Ebenesa akwaamba ayi, “Mwaami Lesa watucafwa mushinso woonse uyu.”

Shakubelenga 7:1

Pabushiku Mose mbwaakamanisha kuyaka Tente ya Cipangano, wakeenanika mafuta akwiibenga kuMwaami Lesa pantu pomwi ashintu sha njiyo shoonse, kubikaawo acipaililo ashintu sha ncico shoonse.

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Matalikilo 28:11

Lisuba ndilyakalinga kwipila, wakashika pamusena umwi akuyaka misumba. Ndyaakayanda koona wakabwesa libwe wataaminaawo.

Joshuwa 4:9

Joshuwa alakwe wakabunganya mabwe ali likumi aobilo pakati ka Mulonga wa Joodani, apo pakalinga peemikana bapailishi bakalinga kuyumwite Libokoshi lya Cipangano. Mabwe ayo abobulya mpaacili.

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.