5 Ono Abulaamu wakashiya shoonse nshaakalinga kucite mumaansaakwe Isaki.
BaSaala, bamuka baami bangu, bakashala mwaana musankwa kabali bacembela kale. Aboobo baami bangu bakapa mwanaabo shintu shoonse nshebacite.
Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.
Mukwiinga Lesa cakamukondelesha kwaamba ayi bulesa bwakwe boonse bwikale muli nguwe.
Ono mwebo nobamakwesu, muli bana bakwe Lesa kwiinda mukushomesha kwakwe, bweenka bwakalinga Isaki.
Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.
Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?
Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.
Ishi ulimusuni Mwanaakwe alimwi shintu shoonse wakashibika mumaansaakwe.
Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.
“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.
Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.
Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.
Mwaami Lesa wakabapa coolwe abuumbi baami bangu cakwaamba ayi babila. Wakabapa matanga a mbelele, mpongo alimwi aŋombe pantu pomwi asilifa, golodi, basha basankwa abanakashi, ngamela alimwi ambongolo.
Bana bakwe Midyani basankwa bakalinga Efa, Efeli, Anoki, Abida alimwi aEluda. Aba boonse bakalinga bamulunyungu lwakwe Ketula.
Ono ceebo cakwaamba ayi wakalinga kucite mbelele aŋombe shiinji alimwi abasebenshi baanji, bene Filisiti bakamufwita munyono.
