Matalikilo 24:53 - Baibo Busansulushi Bwa Libuku Ili

⁵³ Kuswawaawo wakakusha makosa ashimwi sha mushobo uyo sha golodi asha silifa, alimwi ashisani ashakufwala sha mushobo amushobo akupa Labeka. Nandumi shakwe abanyina wakabapa aabalo shipo shamakwebo.

Matalikilo 24:53 교차 참조

Matalikilo 24:22

Labeka ndyaakamanisha, musankwa uyo wakabwesa ninga ya golodi ilema magilamu ali 5.5 akwiisomeka panshono yakwe, alimwi wakamufwalika makosa obilo a golodi alema magilamu ali 110 pamikono yakwe.

Matalikilo 24:10

Lyalo musebenshi uyo wakabwesa ngamela shili likumi ashintu shiinji shibotu shakwe Abulaamu, akuya kundabala yakalinga kwikalaako Nawoli, kulubasu lwa kumatwa lwa Mesopotamya.

Kulonga 12:35

Bene Isilaeli bakasenga bene Ijipiti shintu sha silifa, golodi alimwi ashakufwala kweelana aMose mbwaakabalwiita.

Kulonga 11:2

Lwiita bene Isilaeli boonse ayi basenge shintu sha silifa alimwi agolodi kubaabo beshikamukobonyinaabo.”

Kulonga 3:22

Woonse mwanakashi mwine Isilaeli ulaakuya kumwanakashi shikamukobonyina mwine Ijipiti alimwi kumwanakashi mwine Ijipiti ukala muŋanda yakwe, akusenga shintu sha silifa asha golodi, alimwi ashakufwala. Mpeeke bene Isilaeli balaakufwalika bana babo basankwa alimwi abanakashi. Aboobo balaakutola bubile bwa bene Ijipiti.”

Isaya 39:2

Esekiya wakatambula beshinkombe alimwi wakabatondesha buboni bwakwe boonse, nkokwaamba ayi silifa, golodi, tununkila kabotu mubuyani, mafuta anunkila kabotu alimwi ashakulwanisha shakwe shoonse. Taaku cintu nabi comwi muŋanda ya bwaami nabi mubulelo bwakwe boonse cakacaala kutababonesha.

Lwiimbo lwakwe Solomoni 4:13

Shishango shako nshisepo sha mapomegilaneti ashisepo shimwi shiindaawo kubota. Mulacanika aena, nadi,

Esila 1:6

Beshikamukobonyinaabo boonse bakabacafwako akubapa shintu shiinji, nkokwaamba ayi mbale sha silifa, golodi, shakulya, shifubwa, shamakwebo shimwi pantu pomwi ashipo sha kuŊanda yakwe Lesa.

2 Makani 21:3

Baishiwabo bakabapa golodi uunji, silifa uunji alimwi ashintu shimwi shamakwebo, akubika ndabala yomwi yomwi pamandabala a muJuda ayo akalinga kucite malinga mumaansa a womwi awomwi. Ono ceebo cakwaamba ayi Jeolamu ngowakalinga mwaana wakwiiya, Jeoshafati wakamusala ayi akapyane bwaami bwakwe.

Lwiimbo lwakwe Solomoni 1:10

Macili ako alabota na wafwala masikiyo, ayalo nshiingo yako na wafwaala bulungu bwa mabwe amakwebo.