Matalikilo 24:45 - Baibo Busansulushi Bwa Libuku Ili

⁴⁵ Kaantana kumanisha kupaila mumoyo, Labeka wakesa anongo pacifushi akuya kumukalo mukuteka maanshi. Mpeeke ndamusenga ayi, ‘Amumpewo maanshi, nwe.’

Matalikilo 24:45 교차 참조

Milimo ya Batumwi 10:30

Konelyasi wakakumbula ayi, “Inabwa paciindi ceenka cino ca 3 koloko malumwi, ndakalinga muŋanda yangu kaampaila. Mpomunyaawo ndakabona musankwa wakalinga kufwete shakufwala shibekabeka kaaimfwi kunembo lyangu.

Mateyo 7:7

“Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Danyelo 9:23

Ndiwatalikabo kupaila kuli Lesa, wakukumbula. Ndesa mukukulwiita kukumbula kwakwe ceebo webo ulalemekwa abuumbi pameenso akwe Lesa. Ono kutikisha mbweshi noosansulula akunyumfwisha cili anga nciloto ico mbocaamba.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Bene Loma 8:26

Awalo Mushimu Usalashi ulatucafwa mukwiinga tatucite nkusu. Tatwishi mbotweelete kupaila, sombi Mushimu Usalashi ulatusengelaako kuli Lesa mumaswi ataambiki.

Danyelo 9:19

NoBaami baLesa, amutukutike. NoBaami baLesa, amutulekelele shibiibi shesu. NoBaami baLesa, amutukutike akutucafwa! Mutacelwi kwaamba ayi bantu boonse bakeshibe ayi mwebo ndimwe baLesa! Amucite boobo mukwiinga ndabala yanu ileetwa liina lyanu pantu pomwi abantu banu aba.”

Isaya 58:9

Lyalo mwaakupaila, nebo neMwaami Lesa ndaakumukumbula. Mwaakusenga lucafwo nebo ndaakumucafwa. “Ndushinisho mwaakumanisha shakulyatililana, shakutondekana minwe amyaambo ya mfundilishi,

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

2 Samwelo 7:27

Ncakwiila noBaami baLesa noBeshinkusu shoonse, baLesa ba bene Isilaeli! Mwayubulula shintu shoonse kuli ndime nemusebenshi wanu, alimwi mwaamba ayi, ‘Ndaakukupa bamulunyungu beelete kuba mpyani sha bwaami bwako.’ Mpaceebo ceeci ncendabulila boowa kupaila mushobo uyu.

Matalikilo 24:44

Na asumine akulyaaba kutekela angamela shangu shoonse, aabe ngowooyo ngomwasala kweebwa kumwanaabaami bangu.’