Matalikilo 2:8 - Baibo Busansulushi Bwa Libuku Ili

⁸ Kuswawaawo Lesa wakalima muunda muEdeni kwicwe, umo mwaakabika musankwa uyo ngwaakabumba.

Matalikilo 2:8 교차 참조

Esekelo 28:13

Wakalinga muEdeni, ee, mumuunda wakwe Lesa. Mabwe amakwebo oonse akalinga kukubotesha. Nkokwaamba ayi mabwe amakwebo eetwa ayi lubi, topasi alimwi aemalodi, kilisolaiti, onekisi alimwi ajasipa, safaya, tekoisi alimwi abelilu. Shakubikaamo mabwe aya shakalinga sha golodi. Pabushiku ndiwakalengwa ashalo ndishakapangwa.

Matalikilo 3:24

Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.

Matalikilo 13:10

Loti wakalangalanga akubona kwaamba ayi cinyika coonse ca Joodani, kuyabo akuSowa, cakalinga kucite maanshi abuumbi, anga ngumuunda wa Mwaami Lesa nabi cishi ca Ijipiti. Ici cakalinga nciindi Mwaami Lesa kaatana kunyonyoola mandabala anene a Sodoma a Gomola.

Jowelo 2:3

Citoolya shishango cakumaninina anga ngumulilo. Kunembo lya ncico cishi cili anga ngumuunda wa Edeni. Sombi nkocitooswa kwababo anga nduyanga. Ncakwiila taaku nabi comwi citoocaalaako.

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

2 Baami 19:12

Bamashali bangu bakulukulu bakanyonyoola ndabala ya Gosani, Alani alimwi aya Lesefi. Bakacaya bene Edeni bakalinga kwikala muTelasa. Tekwakalinga lesa wabo nabi womwi wakalinga kukonsha kubapulusha.

Matalikilo 4:16

Mpeeke Kaini wakaswa pameenso akwe Lesa akuya mukwikala kumusena wiitwa ayi Nodi nkokwaamba ayi, “Kwiingooka” uyo uli kwicwe lya Edeni.

Esekelo 31:16

Ndaakulengesha mishobo ya bantu kututuma kumushinga wa ncico bushiku ndaakutuma cisamu ico kumusena wa bafu. Lyalo shisamu shoonse sha muEdeni, shisamu shiindaawo kubota sha muLebanoni, nkokwaamba ayi shisamu shoonse shakalinga kutililwa kabotu isho shakaya kumusena wa bafu shilaakusangalala ceebo ca kuwa kwa ncico.

Esekelo 31:18

“Anu ncisamunshi ca mumuunda wa Edeni ceenga ceelanishikwa andiwe kubulemu alimwi ankusu? Nakubi boobo, awebo ulaakubooshekwa kumusena wa bafu pantu pomwi ashisamu sha muEdeni. Ulaakufukilwa pantu pomwi abaabo batapalwitwe abo bakacailwa munkondo. Ici cilaakucitikila Falawo abantu bakwe boonse. Nebo neMwaami Lesa Shinkusu shoonse ndaamba.”

Esekelo 27:23

“ ‘Beshimakwebo ba kuAlani, Kane, Edeni, Sheba, Ashuli alimwi aKilumadi boonse bakalinga kucita makwebo andiwe.

Matalikilo 3:23

Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita.