5 Tekwakalingawo shishango pacishi ca panshi alimwi nseke shoonse kashitana kumena, mukwiinga ciindi ico Mwaami Lesa kaatana kuloshawo mfula. Alimwi tekwakalinga muntu shikulima.
Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita.
Lesa ulapa coolwe bulongo bwa mumuunda umo mulokela mfula liinji liinji akulengesha ayi mbewu sha balimi shicate shisepo shibotu shibaletela mpindu.
Ulalokesha mfula pacishi ca panshi, alimwi akutuma maanshi mumyuunda.
Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”
Pesule wakashala mwaana musankwa aumwi wiitwa ayi Abelo. Abelo wakaba mweembeshi, sombi Kaini wakaba mulimi.
Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.
Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.
Mulalengesha mweemfu wakulya ŋombe kukula alimwi ashishango isho bantu nshebalima kwaamba ayi kuswa mubulongo bacane shakulya,
kwaamba ayi mube baana ba Ishiwanu uli kwiculu.’ Ceebo lakwe lisuba lyakwe lilaswa, lumwi lulabala pabamucita shibi abali kabotu, akuloshesha mfula baluleme abataluleme boonse.
Nacibi boobo maanshi akalinga kuswa panshi, aboobo bulongo bwakalinga kutontola kumaanshi ayo.
Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.
Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.
