Matalikilo 17:17 - Baibo Busansulushi Bwa Libuku Ili

¹⁷ Abulaamu wakafukama akushisha ciwa panshi, sombi wakatalika kuseka ndyaakayeeya ayi, “Sa musankwa ulakonsha kuba amwaana na waba amyaaka ili 100? Sa Saala inga washala mwaana bulya mbwaashisha myaaka ili 90?”

Matalikilo 17:17 교차 참조

Ciyubululo 11:16

Mpomunyaawo bamaloba bali makumi obilo abone, abo bekala pashuuna shabo sha bwaami kunembo lyakwe Lesa, bakafukama cakishisha shiwa panshi akulambila Lesa.

Joni 8:56

Ishiwanu Abulaamu wakasangalala kwaamba ayi ulaakubona bushiku bwakwisa kwangu, ncakwiila wakabubona alimwi wakakondwa.”

Matalikilo 21:6

Saala wakaamba ayi, “Lesa wanengesha nseko. Boonse beshi bakanyumfwe cikani ici balaakuseka anebo.”

Matalikilo 18:12

Aboobo Saala wakaseka mwiine eenka akwaamba ayi, “Ono bulya mbondacembela akumana nkusu sa inga kukumana abamaandaangu kwankonda? Alimwi abalo bamaandaangu bakula.”

Matalikilo 17:3

Abulamu wakafukama akushisha ciwa panshi, lyalo Lesa wakaamba ayi,

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

1 Makani 21:16

Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

Boomboloshi 13:20

Ono bwiishi ndibwakaya mwiculu kuswa pacipaililo, munjelo uyo wakaya kwiculu mubwiishi ubo. Ingayi Manowa amukaakwe babone boobo, bakafukama cakushisha shiwa panshi.

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.

Joshuwa 5:14

Lakwe wakakumbula ayi, “Nshibete kulubasu lwanu nabi kulubasu lwa balwani banu, sombi nebo ndi mutanjilili wa bashilumamba ba Mwaami Lesa.” Lyalo Joshuwa wakafubama mukumulambila akumwiipusha ayi, “Nkambo, ino ngamaswinshi ngomwaletela ndime nemusebenshi wanu?”

Dutolonomi 9:25

“Aboobo ndakafubama pameenso aMwaami Lesa nshiiku makumi one mukwiinga ndakalinga kwishi ayi wakalinga kushinishite kumunyonyoola.

Dutolonomi 9:18

Ono alimwi ndakafubama pameenso aMwaami Lesa kwanshiku makumi one cakutalya nabibo kaanshi. Ndakacita boobo ceebo mwakabishisha akukalasha Mwaami Lesa.

Shakubelenga 16:45

“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 14:5

Lyalo Mose aAloni bakafukama cakushisha shiwa panshi kunembo lya bene Isilaeli boonse.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Luka 1:18

Sekaliya wakeepusha munjelo ayi, “Ino ndaakwishiba buyani ayi ici ncalushinisho? Mukwiinga nebo ndacembela alakwe mukaangu wacembela.”

Matalikilo 17:18

Mpeeke wakeepusha Lesa ayi, “Ino kulekabo Ishimaeli waba njempyani ya buboni bwangu?”

Matalikilo 18:11

Abulaamu aSaala bakalinga bacembela abuumbi alimwi Saala kaacilekete kale akukubala.

Matalikilo 21:5

Abulaamu wakalinga kucite myaaka ili 100 Isaki ndyaakashalwa.

Matalikilo 21:7

Lyalo wakeelikaawo ayi, “Anu ngani walinga kuyeeyawo ayi nebo inga ndashala mwaana. Sombi ndashala mwaana wakwe Abulaamu kubucembele bwakwe.”