Matalikilo 17:14 - Baibo Busansulushi Bwa Libuku Ili

¹⁴ Musankwa uli woonse utana kupalulwa teshi anoociyeeyelwa kuba mulikoto lya bantu bangu, ceebo taakwe kulama cipangano cangu.”

Matalikilo 17:14 교차 참조

Kulonga 12:19

Panshiku shili shosanwe ashobilo, tamweelete kucanika cimena mumaandaanu. Uyo woonse weenga walya cicite cimena, nkokwaamba ayi ulaakukushikwa mubantu bangu bene Isilaeli, muswamashi nabi mwine Isilaeli.

1 Bene Kolinto 11:29

Ceebo na wabula kwishiba ncocaamba mubili wa Mwaami Jesu pakulya cimaande akunwa munkomeshi iyo, ulaliletela bukali bwakwe Lesa.

1 Bene Kolinto 11:27

Paceebo ceeco uyo woonse ulya cimaande ici akunwita munkomeshi iyi mukutalemeka Mwaami Jesu, ulicite mulandu kumubili abulowa bwakwe.

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Isaya 33:8

Mikwakwa inene yacaalabo bwaashi. Ncakwiila taamu beshikweenda baliimo. Cipangano capwaikwa, bakamboni ba ncico banyanshikwa. Taaku nabi womwi ulemekwa.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Kulumbaisha 55:20

Mweensuma wakabukila babye. Wakapwaya cipangano cakwe.

Bene Lefi 19:8

Uyo woonse weenga walya nyama iyo ulaakuba amulandu ceebo walengesha cintu cabengwa kuli ndime kuba cintubo. Aboobo teshi akanoociyeeyelwa kuba mulikoto lya bantu bangu.

Bene Lefi 18:29

Mulyeelete kwishiba ayi uyo woonse weenga wacita shintu shilensha nsoni ishi, teshi anoociyeeyelwa kuba mulikoto lya bantu bangu.

Bene Lefi 7:27

Anu uyo woonse weenga walya bulowa, teshi akanoociyeeyelwa kuba mulikoto lya bantu bakwe Lesa.”

Bene Lefi 7:25

Uyo woonse weenga walya mafuta a munyama wakapekwa ayi ngumulambu wa shakulya kuli ndime neMwaami Lesa teshi akanoociyeeyelwa kuba mulikoto lya bantu bakwe Lesa.

Kulonga 30:38

Na umwi muntu wapanga tununkila kabotu tuli mbuli ntuto ayi atusebenseshe mbuli mafuta anunkila kabotu, teshi akanoociyeyeelwa kuba mulikoto lya bantu bangu.”

Kulonga 30:33

Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

Matalikilo 17:15

Lesa wakaambila Abulaamu ayi, “Ucileeke ono kwiita mukaako ayi Salai, kuswa sunu liina lyakwe nguSaala.

Matalikilo 34:14

Bakamwaambila ayi, “Tatukoonshi kusuminisha ayi nankashi yesu eebwe kumusankwa utapalwitwe. Ico inga caleta musebaanyo pakati kesu.

Bene Lefi 23:29

Uyo woonse weenga walya cintu nabi comwi pabushiku ubo, teelete kunoociyeeyelwa kuba mulikoto lya bantu bangu.

Shakubelenga 9:13

Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.