Matalikilo 14:22 - Baibo Busansulushi Bwa Libuku Ili

²² Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

Matalikilo 14:22 교차 참조

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Boomboloshi 11:35

Ono ndyaakamubona, wakakwamoona cakufwala cakwe akulila ayi, “Maawe omwanaangu wampeensha ceebo ndakashomesha cakulumbila kuMwaami Lesa, ono inga nshikoonshi kuleka kucita ncendakashomesha.”

Dutolonomi 32:40

Ndakonsha kutambika lyaansa kwiculu akushomesha cakulumbila ayi, mbocili lushinisho ayi nebo ndanooli muumi lyoonse,

Kulonga 6:8

Ndaakumutola kucishi ico ncendakashomesha cakulumbila kupa Abulaamu, Isaki alimwi aJakobo. Ono ndaakupa ndimwe kwaamba ayi cikabe cinenu cancinencine. Nebo ndime Mwaami Lesa.’ ”

Agayi 2:8

Silifa woonse ngwaangu agolodi woonse ngwaangu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Matalikilo 21:33

Lyalo Abulaamu wakashanga mubanga muBiyasheba akulambila Mwaami Lesa wamuyayaya.

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 14:21

Lyalo mwaami wa Sodoma wakaambila Abulamu ayi, “Shintu shoonse nshiwapilusha nshaako, sombi nebo umpekobo bantu bangu.”

Matalikilo 24:3

Ndisuni kwaamba ayi ushomeshe cakulumbila muliina lya Mwaami Lesa, Lesa wa kwiculu acishi ca panshi ayi teshi ukeebele mwanaangu pabanakashi ba momuno muKenani.

2 Baami 5:16

Elisha wakakumbula ayi, “Bweenka mbocibete lushinisho ayi Mwaami Lesa uyo ngoonsebensela ngumuumi, mbweeke ubo teshi ntambulewo cipo.” Naamani wakeelesha kumukakatisha, sombi wakakaka.

Kulumbaisha 144:8

bantu abo baamba shakubeca akushomesha cakutashinisha.

Kulumbaisha 144:11

Amumfuune kuswa munkusu sha baswamashi ayi mpuluke, bantu abo baamba shakubeca akushomesha cakutashinisha.

Dutolonomi 10:14

Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.

2 Samwelo 2:5

wakatuma beshinkombe mukubaambila ayi, “Mwaami Lesa amupe coolwe ceebo mwatondesha kushomeka kuli Saulo mwaami wanu kwiinda mukumubika.

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.