Matalikilo 14:20 - Baibo Busansulushi Bwa Libuku Ili

²⁰ Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.

Matalikilo 14:20 교차 참조

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Luka 18:12

Ndalikasha kulya mankanda obilo munsondo alimwi pashintu likumi shoonse nsheenga ndacaana ndakushawo comwi akumupa, noBaami.’

Matalikilo 24:27

Lyalo wakaamba ayi, “Aalumbwe Mwaami Lesa, Lesa wa baami bangu baAbulaamu, abo bashomeka akucita kweelana ambobakabashomesha. Mwaami Lesa wantanjilila akundulika kubeshikamukowa ba baami bangu.”

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Amosi 4:4

Mwaami Lesa Shinkusu shoonse waamba ayi, “Ono kamuyabo kuBetelo mukubisha, muye kuGilugala akuya mukwiindaawo kubisha. Ee, kamutola milambu yanu macuunsa lyoonse akutola shalikumi shanu na nshiku shotatwe sheenda.

Kulumbaisha 144:1

Aalumbaishikwe Mwaami Lesa Mwaandami wangu, uyo wiisha maansaangu kulibambila kulwana, aminwe yangu kulibambila nkondo.

Kulumbaisha 68:19

Aalumbaishikwe Mwaami Lesa mupulushi wesu. Nshiku shoonse ngoobwesa mikuli yesu ilemu.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Neyemiya 13:12

Lyalo bene Juda boonse bakatalika kuleta calikumi ca shili anga ngamaila, waini alimwi amafuta a olifi kumaanda akusungilako shintu kuŊanda yakwe Lesa.

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

2 Makani 31:12

Bakalinga kuleta shipo shabo, shalikumi ashipo shakabengwa kuMwaami Lesa. Konaniya mwine Lefi ngowakalinga kweendelesha mulimo wakulama shintu isho, mukwabo Shimeyi ngowakalinga wabili kuli nguwe pancito iyo.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Dutolonomi 14:28

Lyoonse na peenda myaaka yotatwe, mulyeelete kuleta shalikumi sha mumwaaka watatu uyo akushisunga mumandabalaanu.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 12:17

Ono shoonse nsheenga mwapa Mwaami Lesa tasheelete kulikwa mumisena umo mweshi mukanookala. Nabi shalikumi shanu sha shili anga ngamaila, waini, mafuta a olifi, baana bakwiiya ba ŋombe ambelele, shipo shakulyaaba, shipo nshemushomesha cakulumbila kupa Mwaami Lesa alimwi ashipo shimwi shoonse.

Shakubelenga 28:26

“Ono pabushiku butaanshi bwakusekelela kwakutebula ndibapa cipo ca fulaulo kuli ndime neMwaami Lesa, balyeelete kubungana ayi balambile alimwi tabeelete kucita mulimo umwi uli woonse.

Matalikilo 9:26

Alimwi wakaamba ayi, “Aalumbaishikwe Mwaami, Lesa wakwe Shemu, Kenani aabe musha kuli Shemu!

Matalikilo 14:21

Lyalo mwaami wa Sodoma wakaambila Abulamu ayi, “Shintu shoonse nshiwapilusha nshaako, sombi nebo umpekobo bantu bangu.”

Kulonga 18:10

akwaamba ayi, “Aalumbaishikwe Mwaami Lesa uyo wakamupulusha mumaansa a mwaami Falawo alimwi abene Ijipiti! Aalumbaishikwe Mwaami Lesa uyo wakapulusha bantu bakwe mubusha!

Matalikilo 47:24

Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”

Matalikilo 47:26

Aboobo Josefu wakabika mulawo wa cishi ca Ijipiti wakwaamba ayi comwi ca shosanwe pakutebula nca mwaami. Uyu mulawo abobulya ucisebensa. Myuunda yeenka yakalinga ya bapailishi njeitakwebo kuba ya mwaami.

2 Samwelo 18:28

Lyalo Ayimaasi wakoolobesha ayi, “Shintu sheendabo kabotu!” Mpeeke wakafukamina mwaami cakushisha ciwa panshi akwaamba ayi, “Aalumbwe Mwaami Lesa, Lesa wanu! Wamupulusha kuswa kubaabo boonse bakabukila ndimwe nkambo nobaami bangu!”