2 Abulamu wakalinga mubile abuumbi mubanyama bafubwa alimwi asilifa agolodi.
Mwaami Lesa wakabapa coolwe abuumbi baami bangu cakwaamba ayi babila. Wakabapa matanga a mbelele, mpongo alimwi aŋombe pantu pomwi asilifa, golodi, basha basankwa abanakashi, ngamela alimwi ambongolo.
Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.
Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.
Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.
Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.
Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.
Sa te nceebo cakwaamba ayi mulamutabilila pantu pomwi abamuŋanda yakwe alimwi ashintu shakwe shoonse? Shoonse shintu lakwe nshaacita shilaswitilila alimwi matanga a shifubwa shakwe alibo luundu loonse.
Ulalengesha bantu bamwi kukanduka, bamwi kubila. Ulaceesha bamwi akusumpula bamwi.
Ceebo cakwe, mwaami uyo wakamulela kabotu Abulamu akumupa matanga a mbelele a mpongo, ŋombe ambongolo, basha alimwi angamela.
Aboobo tepakalinga musena unene wakwaamba ayi bekale bobilo pantu pomwi, ceebo bakalinga kufubite abuumbi.
Abulaamu wakacembela abuumbi alimwi Mwaami Lesa wakamupa coolwe mushintu shoonse nshaakalinga kucita.
Munshila iyi Jakobo wakabila abuumbi. Wakaba ambelele ampongo shiinji, basha baanji basankwa abanakashi, ngamela alimwi ambongolo shiinji.
Ono ceebo cakwaamba ayi wakalinga kucite mbelele aŋombe shiinji alimwi abasebenshi baanji, bene Filisiti bakamufwita munyono.
