7 Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.
Anu Lesa wakashomesha Abulaamu shintu shimwi alimwi aumwi wamulunyungu lwakwe. Taakwe kwaamba ayi, “Bamulunyungu lwako” anga mbaanji, sombi ayi, “Wamulunyungu lwako” ceebo wakalinga kwaambabo muntu womwi, Klistu.
Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”
Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.
Mwaami Lesa wakaboneka kuli Abulaamu pamibanga ya kuMamule. Abulaamu ndyaakalinga kushiite pamulyango wa tente yakwe muciindi ca malumwi ndikupya bunene,
Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.
alimwi apo mpwaakalinga wayaka cipaililo. Apo Abulamu wakalambila Mwaami Lesa.
Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.
Mpeeke Mwaami Lesa wakaambila Mose ayi, “Webo alimwi abantu mbowakakusha mucishi ca Ijipiti, musweeko kumusena uno, muye kucishi ico ncendakashomesha Abulaamu, Isaki, Jakobo alimwi abamulunyungu lwabo.
Jakobo wakaamba ayi, “Ndabonana aLesa meenso ameenso alimwi ncili muumi.” Paceebo ceeco musena uyo wakautumba ayi Penyelo.
Isaki wakayaka cipaililo apo akulambila Mwaami Lesa. Lyalo wakayaka musumba apo, mpeeke basebenshi bakwe bakakaba aumwi mukalo.
‘Mukwiinga tabakwe kutolelela kunyumfwila, taaku musankwa nabi womwi, wakaswa mucishi ca Ijipiti, ucite myaaka ili makumi obilo aisotoka, eshi akenjile mucishi ico ncendakashomesha kupa Abulaamu, Isaki alimwi aJakobo.
Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.
Bantu aba boonse bakafwabo kabashoma muli Lesa. Tabakwe kutambula shintu isho Lesa nshaakabashomesha, sombi kashicili kulaale, bakashibona akusangalala abuumbi. Bakasumina patuba ayi mucishi ca panshi, ncakwiila mbeensu beendilite.
Aboobo ici cilaamba ayi teshi bana bakwe Abulaamu boonse beetwa ayi mbana bakwe Lesa. Sombi bana bakwe Abulaamu abo bakashalwa kweelana akushomesha kwakwe Lesa, mbobeelete kwiitwa ayi mbana bakwe Abulaamu cancinencine.
Ndibakashika apo Lesa mpaakamulwiita, Abulaamu wakayaka cipaililo akubambaawo nkuni. Wakaanga mwanaakwe akumubika pacipaililo, peculu lya nkuni.
Abulamu wakafukama akushisha ciwa panshi, lyalo Lesa wakaamba ayi,
Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,
Ono mwebo nobamakwesu, muli bana bakwe Lesa kwiinda mukushomesha kwakwe, bweenka bwakalinga Isaki.
Ono amusune Mwaami Lesa, Lesa wanu, munoomunyumfwila alimwi akushomeka lyoonse kuli nguwe. Na munoocita boobo, mulaakwikala myaaka iinji mucishi ico ncaakashomesha cakulumbila kupa bamashali banu bakulukulu Abulaamu, Isaki alimwi aJakobo.”
“Bweenka Mwaami Lesa wanu mbwaakalasha bamashali banu bakulukulu, nkokwaamba ayi Abulaamu, Isaki alimwi aJakobo, ulaakumupa mandabala anene asumpukite ayo mwebo ngomutakwe kuyakaako.
Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”
Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.
Wakayakaawo cipaililo akucitumba ayi Eli, liina lyakwe Lesa wa bene Isilaeli.
Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.
Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.
Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.
Paciindi ico Lesa kaatana kumupa cishi naciceyi, sombi wakamushomesha ayi ulaakupa cishi ici kuli nguwe alimwi alunyungu lwakwe nakubi kwaamba ayi taakalinga kucite mwaana.
Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.
Mwaami Lesa, Lesa wa kwiculu uyo wakankusha muŋanda ya bata mucishi cine misheesu alimwi uyo wakaamba kuli ndime wakashomesha cakulumbila ayi, ‘Bamulunyungu lwako ndaakubapa cishi ici.’ Ulaakutuma munjelo kootana kushika kulya kwaamba ayi ukakonshe kucanina mwanaangu, mwanakashi wakweeba.
Alimwi ndakapanganaabo ayi ndaakubapa cishi ca Kenani, umo mobakalinga kwikala anga mbaswamashi.
Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”
Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.
Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”
Ulaakulama cipangano ncaakapanga aAbulaamu, kushomesha nkwaakalumbila kuli Isaki.
Ono koya ucishinguluke cishi coonse ici mukwiinga ntookupa coonse.”
Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”
Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo.
Ndaakukupa cishi ncendakapa Abulaamu aIsaki alimwi ndaakucipa abamulunyungu lwako webo waakufwa.”
Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”
Mpomunyaawo Mose wakayaka cipaililo akucitumba ayi, “Mwaami Lesa njembembela yangu yakukoma.”
Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.
“Mikowa yoonse iyi uyaabanye cishi kweelana akufula kwa mukowa womwi awomwi.
Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.
Lyalo Joshuwa wakayakila Mwaami Lesa, Lesa wa bene Isilaeli cipaililo paKalundu ka Ebo.
Ono ndibakashika kuGeliloti, pafwaafwi aMulonga wa Joodani mucishi ca Kenani, bamumukowa wakwe Lubeni, Gadi alimwi amusa wa mukowa wakwe Manase bakayaka cipaililo cinene alimwi cibotu abuumbi mweela Mulonga wa Joodani.
Mpomunyaawo Gidyoni wakayaka cipaililo ca Mwaami Lesa pa musena uyu, akucitumba ayi, “Mwaami Lesa ngwa luumuno.” Asunu nkocili kuOfula ndabala ya bamucipani cakwe mumukowa wa bene Abiyesa.
Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.
Mpomunyaawo Defedi wakayakila Mwaami cipaililo uko akubenga milambu yakutenta alimwi aya bwanabwankashi. Mpeeke Mwaami Lesa wakakumbula mupailo wakwe, lyalo mwaalu wakamana pakati ka bene Isilaeli.
Wakayaka cipaililo cakulambililaawo Mwaami Lesa amabwe ayo. Wakakaba cilindi mweela ceelete kwisula maanshi akwana mpashi malita ali 14.
Wakaamba ayi, “Ndaakukupa cishi ca Kenani kwaamba ayi cikabe caako.”
Mwebo ndimwe baLesa besu. Bene Isilaeli ndibakesa muno mucishi, mwakatandaanya bantu abo bakalinga kwikalaamo. Lyalo mwakapa cishi cabo kubamulunyungu lwakwe Abulaamu, shicibusa wanu, ayi cibe caabo kwalyoonse aLyoonse.
Ono amubone cishole ncebatootubooshesha! Besa mukututandaanya mucishi ico ncemwakatupa.
Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.
Munshiku isho bene Juda balaakupaankana abene Isilaeli, lyalo boonse balaakuswa kucishi ca busha cakumatwa kwisa kucishi ico ncendakapa bamashali babo bakulukulu ayi ncabo.”
