Malilo 4:17 - Baibo Busansulushi Bwa Libuku Ili

¹⁷ Meenso esu akalema kulangila lucafwo, sombi talukwe kuboneka. Kuswa kumaanda alaamfu twakalindila mushobo umwi wa bantu abo batakalinga kukonsha kutupulusha.

Malilo 4:17 교차 참조

Esekelo 29:16

Bene Isilaeli teshi bakacinkewo tubili manungo mucishi ca Ijipiti, sombi mapensho a ncico alaakunoobeebalushabo mbocibete cibiibi kusenga lucafwo kuli ncico. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Isaya 20:5

Lyalo abo bakalinga kucinkite manungo mubene Kushi akunoolisumpwita mubene Ijipiti balaakuloonda akulenshekwa nsoni.

2 Baami 24:7

Mwaami wa bene Ijipiti abashilumamba bakwe tabakwe kunyamukaawo kuswa muIjipiti kuya mukulwana mukwiinga mwaami wa bene Babiloni wakamunyaya lubasu lwa cishi cakwe kuswa kuMulonga wa Yufuletisi kuya mukushika kunyinsa ya Ijipiti ya kumatwa.

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Jelemiya 8:20

Bantu baamba ayi, “Kutebula kwamana, cilimo acalo cainda, sombi tatuna kupulushikwa.”

Jelemiya 2:36

Ino utoopampookilanshi bobulya munshila shako? Bene Ijipiti balaakukulensha nsoni bweenka bwakakucita bene Asilya.

Jelemiya 2:18

Ino bulya mutooya mukucitanshi kuIjipiti? Sa mutooya mukunwa maanshi muMulonga wa Nailo? Ino mutooya mukucitanshi kuAsilya? Sa mutooya mukunwa maanshi muMulonga wa Yufuletisi?

Isaya 28:18

Cipangano canu alufu cilaakubula nkusu, ncakwiila kusuminishanya kwanu amusena wa bafu kulaakumana ncito. Shiyoosha shaakumupolela, shilaakumana kumulobya.

Jelemiya 2:37

Kumusena uyo ulaakuswaako koolicatite kumutwi ceebo Mwaami Lesa ulibakakite abo mbooshoma. Ncakwiila teshi bakakucafwewo napaceyi.”

Malilo 5:6

Twakalyaababo mumaansa a bene Ijipiti abene Asilya kwaamba ayi tucane cakulya.