31 Mwaami Lesa ngushinkumbu, taabakakili limwi bantu bakwe.
Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.
“Sa Mwaami Lesa watufutatililabo limwi? Sa teshi akatunyumfwilewo nkumbu alimwi?
Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.
Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.
Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.
Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.
“Sa ulinyumfwite ayi bantu batokwaamba ayi ndisuulite bene Isilaeli alimwi abene Juda, mikowa yobilo iyo njendakasala? Paceebo ceeco bantu bangu balabalanga caminsuula alimwi tabababelengiiwo ayi ngumushobo, sobwe.
Na kukabe bushiku bantu mbweshi bakakonshe kupima liculu akukonsha kubona lwiimbi lwa cishi ca panshi akulwishiba, mbobushiku nebo neMwaami Lesa mbweshi nkakake bene Isilaeli ceebo ca shibiibi nshebakacita. Nebo neMwaami Lesa ndaamba.”
Mwaami Lesa waamba ayi, “Nakubi kwaamba ayi bene Asilya balicite nkusu alimwi mbaanji, balaakunyonyoolwa akumaninabo limwi. Mwebo nobantu bangu bene Juda, nabi ndakamupensha teshi nkamupensheewo tubili, sobwe.
Soonse tulyeelete kufwa. Ono nditufwa buumi bwesu bulababo anga ngamaanshi apukulwa atakonshaniki kuyolwa. Lesa lakwe taanyayi buumi, sombi ulalangoola nshila yakuboosha mwanaakwe kuswa mucishi ncaakalobokelaako.
Ceebo cakubisha kwakwe Solomoni ndaakupa mulandu bamulunyungu lwakwe Defedi, sombi kutaamba ayi kwanshiku shoonse, sobwe.’ ”
Mwaami Lesa wakaanishabo bantu bakwe kwiinda mukubatuma mubusha. Wakabalekelela kwaamba ayi batolwe acipuupu cikali ciswa kwicwe.
