26 Ncibotu kulindilila kooumwitebo, ee, pakulangila lupulusho lwa Mwaami Lesa.
Kokalika caamba pameenso akwe Lesa akulindila lucafwo lwakwe. Utalisukami abantu basumpuka kwiinda munshila shabo beene, ee, bantu abo baswitilila kwiinda mumiyeeyo yabo ibiibi.
Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.
Ndalindila lucafwo lwa Mwaami Lesa amoyo woonse. Ndicinkite manungo mumaswi akwe.
Paceebo ceeco, mutatyongoli mukwiinga na mwatolelela kutaboola pesule, mulaakutambula cilambu cinene.
“Ono oMwaami Lesa, ntoolindilila lupulusho lwako.
Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.
Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.
Mwaami Lesa Shinkusu shoonse, Lesa Usalalite wa bene Isilaeli waamba ayi, “Na mwasanduka akuboola kuli ndime, inga mwapuluka. Na mwanshooma akulangila kuli ndime, inga mwaba ankusu. Sombi mwebo mwakakaka kucita boobo.
NoBaami baLesa, ndalangila ayi mulaakumpulusha alimwi ndakonkela milawo yanu.
Nobaami baLesa, ntoolangilabo lupulusho lwanu. Ncakwiila milawo yanu ilansangalasha.
Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”
Lyalo ndaakubenga mulambu wakulyaaba kuli ndimwe. Ndaakulumbaisha liina lyanu mukwiinga muli babotu.
Ndaakunoomulumba lyoonse pashintu nshemwakacita. Ndaakusumpula liina lyanu libotu pakati ka bantu banu.
Sombi nebo ndikondetwe kuba pafwaafwi aLesa. Mwaami Lesa Shinkusu shoonse waba nceciyubilo cangu. Ncakwiila nebo ndaakushimikila shamicito yakwe yoonse.
Ncibotu kucita cintu amoyo woonse na muyeeyo wakucita boobo kooli ubotu alimwi mulyeelete kucita boobo lyoonse kuteshibo na ndi andimwe.
Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”
NoBaami baLesa, ncibotu abuumbi kumulumbaisha akwiimba nyimbo shakumulemeka nobaLesa ba kwiculu Beendaawo.
Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.
Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.
Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.
Ncibotu kwiiya kulindilila boobo koocili mwanike.
Mwaami Lesa utoomulwaninaako, aboobo tamweelete kwaamba ayi mucite cintu nabi comwi.”
Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.
Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.
