Malilo 3:17 - Baibo Busansulushi Bwa Libuku Ili

¹⁷ Wakankasha kuba aluumuno, ndakaluba akusangalala mbokubete.

Malilo 3:17 교차 참조

Isaya 59:11

Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Sekaliya 8:10

Kacitana kushikila ciindi ico, tekwakalinga kufola maali na muntu wenjila ncito nabi kulipila weenga wakupa ŋombe yakusebensesha. Tekwakalinga kwikala kwakubula cakulisukama balwani ceebo nebo ndakalengesha muntu womwi awomwi kubukila mubye.

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Jelemiya 16:5

“Kuteelesha kwinjila muŋanda umo mubete shakulya sha pamalilo. Tooelete kuyaamo mukulila nabi kuungumana ambabo ceebo ndacileka kupa coolwe bantu aba, kubatondesha lusuno nabi kubafwita nkumbu. Nebo neMwaami Lesa ndaamba.

Jelemiya 14:19

NoBaami baLesa, sa cishi ca Juda mwacikakilabo limwi? Sa bene Siyoni mulibapatite? Ceebonshi mwatucisa cakwaamba ayi tatukoonshi kushilikwa? Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa kuloondesha.

Jelemiya 8:15

Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa shiloondesha.

Isaya 54:10

Nakubi kwaamba ayi tulundu tukatenkaane nabi tukapalanganishikwe, sombi lusuno lwanu pali ndimwe teshi lukatenkaaneewo, nabi cipangano cangu ca luumuno kupalanganishikwa.” Mwaami Lesa uyo umunyumfwila nkumbu waamba.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Kulumbaisha 119:155

Bamucita shibi tabakoonshi kupuluka ceebo tabakonkeli milasho yanu.

Jobo 7:7

NobaLesa, amwiibaluke kwaamba ayi buumi bwangu bulibo anga nkuyoya kwa linkanda lyomwi. Nshiku shangu shakusangalala shamana kale.

Matalikilo 41:30

Kuswawaawo kulaakuba myaaka yosanwe ayobilo ya nsala, alimwi amyaaka yoonse ibotu ilaakulubwa mukwiinga nsala ilaakunyonyoola cishi.

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.