Malilo 2:9 - Baibo Busansulushi Bwa Libuku Ili

⁹ Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Malilo 2:9 교차 참조

Esekelo 7:26

Mapensho alaakwisa pamapenshonyina aalo maŋwiŋwi abiibi alaakunootungenebo kalongo. Mulaakunoosenga ayi balaluki bamulwiite nshebabona mushili anga nshiloto. Bapailishi balaakucileka kwiisha bantu milawo abalo bamaloba balaakucileka kupanda maano.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

2 Makani 15:3

Kwaciindi cilaamfu bene Isilaeli balinga kwikala kabateshi Lesa wancinencine alimwi kabatacitewo bapailishi beenga babeeisha nabi milawo.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Kulumbaisha 74:9

Shaankamiko shoonse shamana. Taaku balaluki bakacaalaawo. Taaku nabi womwi ushi nkweshi cikeele ici.

Dutolonomi 28:36

“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.

Esekelo 17:20

Ndaakumuteya koombe kangu akumucatishaamo. Ndaakumutola kucishi ca Babiloni akumupa mulandu uko ceebo taakwe kushomeka kuli ndime.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Malilo 4:15

Bantu baloolobesha ayi, “Kamuya kooko! Tamusalalite! Kamuya kooko! Kamuya kooko! Mutatucaati!” Na baya ciingaila bantu ba mumishobo balacaala kabaamba ayi, “Tabakoonshi kutolelela kwikala aswebo kuno!”

Malilo 1:3

Mapensho amilimo iyumu ndishamana, bene Juda batolwa mubusha. Balekalabo pakati ka mishobo imwi, tabacani amusena wakookesheshaawo. Boonse babatandaanya balabeensha, ee, kubeensha mukati ka mapensho.

Jelemiya 52:14

Bashilumamba boonse bene Babiloni abo bakalinga kutanjililwa amutanjilili wa beshikulindilila mwaami uyo, bakamwayulula lubumbu lwa ndabala inene ya Jelusalemu.

Jelemiya 39:8

Mpomunyaawo bene Babiloni bakatenta ŋanda ya bwaami amaanda a bantu akupwayoola lubumbu lwa Jelusalemu.

Jelemiya 39:2

Ono pabushiku bwasanu ashone, mumweenshi wane mumwaaka walikumi awomwi wa bwaami bwakwe Sedekiya, lubumbu lwa ndabala lwakapwaikwa.

Jelemiya 14:14

Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

2 Baami 25:7

Mpeeke bakacaya bana bakwe Sedekiya boonse kaalangilisha. Kuswawaawo Nebukadinesa wakaamba ayi Sedekiya akushikwe meenso. Lyalo bakamwaanga ncetani sha bulonse akumutola kuBabiloni.

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Osiya 11:6

Nkondo ilaakupola mumandabala abo akunyonyoola mpingilo sha minjililo ya ngawo. Ilaakunyonyoola bantu bangu ceebo balacita sheesho nshebasuni beene.

Amosi 1:5

Ndaakutyoloola minjililo ya ndabala inene ya Damasikasi. Ndaakunyonyoola mwaami wa muCinyika ca Afeni, ncakwiila uyo ulela mundabala ya Beti Edeni. Bene Silya balaakuya mubusha kuKili. Nebo neMwaami Lesa ndaamba.”

Dutolonomi 28:63

Bweenka mbocakasangalasha Mwaami Lesa ayi amusumpule akumufusha mbweeke ubo mbweshi cikamusangalashe ayi amunyonyoole akumulobya. Mulaakumana katyenke mucishi ico ncemutooya mukwikalaamo.

1 Samwelo 28:6

Saulo ndyaakeepusha kuMwaami Lesa cakucita, Mwaami Lesa taakwe kumukumbulaawo muciloto, mucisolo cakwe Ulimu aTumimu nabi mubalaluki.

Isaya 24:12

Ndabala inene yanyonyoolwa acalo cisasa ca pamwinjililo capwayoolwa akubabo tupanshapansha.