Malilo 1:2 - Baibo Busansulushi Bwa Libuku Ili

² Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Malilo 1:2 교차 참조

Kulumbaisha 6:6

Buumba bwandemya cakunkopola, lyoonse mashiku ndalila cakutontosha bulo bwangu, ncakwiila ndatontosha mutaamino wangu kuminsonshi.

Mika 7:5

Utashomi shikamukobonyoko. Utaciinki manungo mumubyo nabi kushoma bunene mukaako. Kocenjela amakani ngootokwaamba

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 1:9

Matombe a njiyo alibo patuba, sombi yalo teekwe kuyeeyawo shakunembo. Kuwa kwa njiyo kwakakankamanisha, alimwi tekwakalinga nabi womwi wakuyumbulusha. Lyalo yakalila ayi, “NoBaami baLesa, amubone mapensho angu ceebo balwani bangu bankoma.”

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Jelemiya 4:30

Utoocitanshi webo ondabala yakanyonyoolwa? Utoofwalilanshi shisani shifubelafubela akufwala shakulibotesha sha golodi? Ino walinanikilanshi shakulibotesha mumeenso? Bana utoolipenshabo kulibotesha. Abo bakalinga kukusuni, bakakusuula. Bulya batoopinga kukucaya.

Kulumbaisha 31:11

Balwani bangu boonse balanshibuluka, abalo beshikamukobonyinaangu balanaama. Beensuma boonse batalika kunoonda, kulilabo kumbona mumukwakwa, nkucica.

Ciyubululo 17:16

Meeca ali likumi ngowalinga wabona alimwi amunyama uyo balaakupata mwanakashi mufuule uyo. Balaakubwesa shoonse nshaacite akumufuula akacaalebo matakosha alimwi balaakulyako mubili wakwe akumutenta mumulilo.

Ciyubululo 17:13

Boonse aba bali likumi balicite muyeeyo womwi alimwi balapa nkusu shabo alimwi abuleelo bwabo kumunyama.

Osiya 2:7

Balaakunooya cikonkela basunikwi babo, sombi teshi bakabeensheewo. Balaakunooya cibayandoola, sombi teshi bakabacaneewo. Lyalo balaakwaamba ayi, ‘Ntooboolela kubeebaangu bataanshi ceebo kuli mbabo ndakalingako kabotu kwiinda mboombete bulya.’

Esekelo 16:37

Paceebo ceeco, ntoobunganya mbowakalinga kweendaabo boonse abo mbowakalinga kusangalalilaamo, mbowakalinga kusuni abaabo mbowakalinga kupatite. Ndaakubabunganya ayi bese bakulwaane kuswa kumisena yoonse ikushingulukite akwisa mukukufuula kunembo lyabo ayi bakubonene.

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Tushimpi 19:7

Muntu mukandu ulanaamwa akubeshikamukowa bakwe. Ono balo babye baleendaawobo kumunaama. Nabi weelesha buyani kubakonkela cakulikombelesha, ndushinisho ulalemabo cakutabacanaawo.

Jobo 7:3

Mbweeke ubo anebo nshiku shangu mboshitacite mpindu mweenshi amweenshi alimwi mashiku amashiku nkunoolibo amapensho atamaani.

Jobo 6:15

Ono mwebo nobeensuma mutoombecabo anga ntulonga, ee, tulonga tuyuma muciindi ca cilimo.

Kulumbaisha 126:5

Bantu abo bashanga kabalila, abatebule kabasangalete abuumbi.

Jelemiya 2:25

Utacici kushikila shimpanta shako shikamaninine mukati akuyuma panshingo kunyotwa. Sombi webo ulaamba ayi, ‘Tacicite mulandu. Nebo ndisuni balesa beensu, aboobo ndyeelete kubakonkela.’ ”

Kulumbaisha 69:21

Ndindakafwa nsala, bakampa shilula, Ndindakafwa nyotwa bakampa waini usasite.