Malilo 1:13 - Baibo Busansulushi Bwa Libuku Ili

¹³ “Wakatuma mulilo kuswa kwiculu kwiine. Ee, wakatuma mulilo mumafuwa angu. Kuswawaawo wakanteya koose kumyeendo akungwishisha panshi. Wakanshiya kaampenga, ndushinisho kupenga cakunoowisookabo bushiku boonse.

Malilo 1:13 교차 참조

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Jobo 30:30

Cikanda cangu cashiyabo mbi, awalo mubili wangu utoopya abuumbi kucimpwita.

Esekelo 17:20

Ndaakumuteya koombe kangu akumucatishaamo. Ndaakumutola kucishi ca Babiloni akumupa mulandu uko ceebo taakwe kushomeka kuli ndime.

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Jobo 19:6

Sa mwebo tamubwene kwaamba ayi nguLesa wacita shintu ishi? NguLesa wanteya koose kwaamba ayi ncatwe.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Kulumbaisha 66:11

Mwakatuleka twawita mukoose. Mwakabika mikuli ilemu ya mapensho pamitwi yesu.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Osiya 7:12

Ono baakunooya, ndaakubateya koombe akubacatisha bweenka mupalu mbwaacatisha bayuni. Ndaakubapa mulandu ceebo ca bubi mbobakacita.

Esekelo 32:3

“Ono nebo neMwaami Lesa Shinkusu shoonse ndaamba ayi, ‘Ndaakubunganya bantu baanji akuwaala koombe kangu pali ndiwe ayi ucatwe abalo balaakukukwelela kwitala akoombe kangu.

Malilo 5:17

Myoyo yesu yalefuka, meenso esu tatoolasha kabotu

Malilo 1:22

“Amubashinine pashibiibi shabo shoonse, Amubacite bweenka mbomwakancita ceebo ca shibiibi shangu shoonse. Ncakwiila kutongela kwangu kwakomena cakwaamba ayi moyo wangu utoowisookabo.”

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Isaya 42:17

Sombi abo bacinkite manungo mushibumbwabumbwa, ee, baamba shikoshanyo isho ayi balesa besu, balaakusebaanishikwa akulenshekwa nsoni.”

Kulumbaisha 129:5

Bantu boonse bapatite Siyoni, bakomwe akutandaanishikwa cilensha nsoni.

Kulumbaisha 35:4

Abasebaane akulenshekwa nsoni abo boonse batoofwima buumi bwangu. Babooleleemo kabaloketwe abo boonse basuni kunyonyoola buumi bwangu.

Kulumbaisha 31:10

Buumi bwangu butooya cifwiimpa ceebo cakulila, ayalo myaaka yangu itooya ciceya ceebo cakutongela. Mubili wangu toocite ankusu ceebo ca buumba bwangu, ncakwiila amushifuwa shangu moonse mwaboolabo tontolo.

Jobo 18:8

Wenjila mubukonde, lyalo myeendo yakwe yacatwa.

Dutolonomi 28:65

Pakati ka mishobo iyo, teshi mukacanewo luumuno nabi musena unenu cancinencine. Mpeeke Mwaami Lesa ulaakumulengesha kulisukama, kubula lushomo alimwi akutyongola.

Kulumbaisha 38:8

Ndalefuka alimwi ndalemenwa abuumbi. Ndatongela kubuumba buli mumoyo wangu.

Kulumbaisha 140:5

Balinteyete koose bantu balisumpula. Bafungulula ntambo sha toombe twabo akuteya toose twabo mweela nshila yangu.

Kulonga 12:9

Kuteelesha kulya nyama ibishi nabi yakuteleka, sombi yoonse mulyeelete kwiilya yakutenta, pantu pomwi amutwi, myeendo alimwi ashamukati shoonse.

Malilo 3:11

mbweeke ubo alakwe mbwaakankweelaanya kuswa munshila, wankwamoona akunshiya cakubula lucafwo.