Malilo 1:1 - Baibo Busansulushi Bwa Libuku Ili

¹ Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Malilo 1:1 교차 참조

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

Isaya 54:4

“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Malilo 5:16

Shintu nshetwakalinga kulisumpwitaawo shamana. Mapensho kuli ndiswe mukwiinga twakabisha.

Isaya 22:2

Nciinshi cacitika mwebo nobamundabala inene ya shimfulunganya, ciyobeyobe alimwi amangwengwe? Basankwa banu bakacaikwa tabakwe kufwa kumipeeni, ncakwiila tabakwe kufwita kunkondo, sobwe.

2 Baami 23:35

Mwaami Jeoiyakimu wakabwesa maali a musonko kuswa kubantu kweelana anshebakalinga kucite kwaamba ayi akwanishe maali akulipila musonko kumwaami wa bene Ijipiti.

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Esekelo 26:16

Lyalo bamaami bali kuloombe lwa lweenge balaakuswa pashuuna shabo sha bwaami, bakafuule mingaanjo yabo ashakufwala shabo shakatungwa shakubotesha. Balaakwikala panshi kabaloondete alimwi kabatutuma cakutacilekaawo ceebo ca mapensho ako.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Jelemiya 50:23

Babiloni wakapwayoola cishi coonse ca panshi anga ninsando. Ono nsando iyo yapwayoolwa njiyo cakumaninina! Mishobo imwi yoonse yakankamana kuceeco cacitika kucishi ca Babiloni.

Jelemiya 40:9

Mpomunyaawo Gedaliya wakabaambila ayi, “Nebo ntoomushomesha ayi taakuuwo nceenga mwaloonda bacinenenene bene Babiloni. Amwikale mucishi cino munoosebensela mwaami wa bene Babiloni, lyalo shoonse shintu shitoomweendela kabotu.”

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 52:2

Amulipaampe lusuko nobene Jelusalemu, munyamuke akuya mukwikala pacuuna ca bwaami! Amwaangulule ncetani nshemwaangitwe nobene Siyoni nomuli mubusha!

Isaya 14:12

“Anu wawa buyani kuswa kwiculu webo Ontanda, onyenyeenshi yakumuyamaca? Waloshelwa pacishi ca panshi webo nowakalinga kukoma shishi shoonse.

Kulumbaisha 122:4

Uko nkokooko mikowa yoonse nkoiya, ee, mikowa ya Mwaami Lesa. Ilaya mukulumba Mwaami Lesa kweelana amulasho wakapekwa bene Isilaeli.

Neyemiya 9:37

Ceebo ca shibiibi shesu, shoonse shitebulwa shilaya kubamaami mbomwakaleta ayi batweendeleshe. Balacita mbuli mbobasuni kuli ndiswe ashifubwa shesu. Ndushinisho tuli mumapensho anene abuumbi!

Neyemiya 5:4

Bamwi abalo bakaamba ayi, “Twakacita kukweleta maali kwaamba ayi tulipile musonko kumwaami wa myuunda ya shishango shimwi aya minyansa.

2 Baami 23:33

Bwaami bwakwe bwakamana Neko mwaami wa bene Ijipiti ndyaakamutola busha kuLibula mucishi ca Amati. Lyalo mwaami Neko wakaambila bene Juda ayi balipile makilogilamu a silifa ali 3,400 alimwi amakilogilamu a golodi ali 34 ayi ngumusonko.

Isaya 50:5

Mwaami Lesa wakampa busongo bwakunyumfwishisha shintu. Nshikwe kumwaashukilaawo nabi kumufutatilaawo.

2 Makani 9:26

Wakalinga kulela bamaami boonse mucishi coonse kuswa kuMulonga wa Yufuletisi kuya mukushika kucishi ca bene Filisiti akumanyinsa a cishi ca Ijipiti.

Isaya 49:21

Lyalo mulaakulyaamboosha mumyoyo yanu ayi, ‘Ngani wakanshalila baana boonse aba? Ndakalinga ndaba anga ndafwitwa baana boonse alimwi anga nshishali. Ndakalinga ndatandaanishikwa muno mumisheesu akukakwa. Ino ono wakaleta baana boonse aba ngani? Ncakwiila ndakalinga ndacaalabo neenka, ino aba boonse baswa kuli?’ ”

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Jelemiya 42:2

Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.

Esekelo 5:5

Mwaami Lesa Shinkusu shoonse waamba ayi, “Iyi nindabala ya Jelusalemu iyo njendakabika pakati ka cishi ca panshi coonse. Ncakwiila mishobo imwi yoonse iliishingulukite.

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Jelemiya 44:2

Mwaami Lesa Shinkusu shoonse, Lesa wa bene Isilaeli waamba ayi, “Mwakalibonena mapensho oonse ayo ngondakaletela ndabala ya Jelusalemu apamandabala oonse a muJuda. Asunu acili matongo. Taaku muntu wikalaamo

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’