Malaki 4:2 - Baibo Busansulushi Bwa Libuku Ili

² Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Malaki 4:2 교차 참조

Jelemiya 33:6

“ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Luka 1:78

Lesa wesu uliswite nkumbu ulaakutupa mumuni uli mbuli wa kumuyamaca.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Isaya 53:5

Sombi wakayaswa ceebo ca kusotoka milawo kwesu, wakalyatililwa ceebo ca shibiibi shesu. Lakwe wakalemenwa milandu yesu kwaamba ayi swebo tube muluumuno. Ceebo ca shilonda shakwe twakashilikwa.

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Joni 1:4

Muli nguwe momwakalinga buumi alimwi buumi ubu bwakalinga mumuni wa bantu.

2 Samwelo 23:4

ulabala anga ngumumuni wa macuunsa, ee, mumuni wa macuunsa ndikubula makumbi. Uli anga ngumumuni umenesha bwiisu imfula ndyeemana kuloka.’

Ciyubululo 22:2

Akalinga kukunkila pakati ka nshila ya mundabala inene. Muloombe lwa mulonga uyu moonse mobilo, mwakalinga cisamu cipa buumi. Cisamu ici cilacata shisepo mankanda ali likumi aobilo mumwaaka, nkokwaamba ayi linkanda lyomwi mumweenshi. Matewu a ncico aalo ngakushilikisha mishobo yoonse ya bantu.

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Lute 2:12

Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”

Ciyubululo 2:28

Ndaakumupa anyenyeenshi iitwa ayi ntanda.’

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 103:3

Ulalekelela shibiibi shangu shoonse, alimwi ulashilika malwashi angu oonse.

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Isaya 35:6

Balema ndyeshi bakatambale anga ninsefu. Abalo bacibuulu ndyeshi bakeembe nyimbo shakulumbaisha. Maanshi alaakukunka muliwesa. Ee, tulonga tulaakukunka muluyanga.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 13:47

Mukwiinga Mwaami Lesa wakatupa mulasho wakwaamba ayi, ‘Ndakubika kwaamba ayi ube mumuni kubaswamashi bakunsengwe, kwaamba ayi bantu boonse ba mucishi bapulushikwe kwiinda muli ndiwe.’ ”

Joni 9:4

Kulilabo kalicili malumwi tulyeelete kucita milimo ya wooyo wakantuma. Ciindi ca mashiku citooshikila muntu ndyaatakoonshi kusebensa.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Esekelo 47:12

Kulubasu lomwi alomwi lwa mulonga kulaakumena shisamu sha mishobo amishobo sheshi shikanoocata shisepo. Matewu a shisamu isho teshi akanooyumaawo alimwi shisamu isho teshi shikacilekeewo kucata, sobwe. Shilaakunoocata shisepo shipya mweenshi amweenshi ceebo shilaakunootililwa amaanshi aswa kuŊanda yakwe Lesa. Shisamu shilaakunoocata shisepo shilikwa aalo matewu alaakunoosebenseshekwa kushilika bantu.”

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 9:2

Bantu bakalinga kweenda mumunshinshe, babona mumuni unene. Ee, abo bali mumunshinshe ushiya mbi uyoosha, mumuni wabamunikila.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Kulumbaisha 85:9

Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.

Kulumbaisha 67:1

NobaLesa amube aluse pali ndiswe akutupa coolwe. Amutulange meenso a nkumbu

Ciyubululo 11:18

Bantu bakunsengwe bakakalala abuumbi, ono ciindi cakubonesha bukali bwanu aciindi cakoombolosha bafu cashikila. Ee, ciindi cakupa shilambu kubasebenshi banu, balaluki alimwi abantu banu boonse abo bamulemeka, bantubo alimwi abalemekwa boonse cashikila. Ciindi cashikila cakwaamba ayi munyonyoole baabo boonse banyonyoola cishi ca panshi!”

1 Joni 2:8

Nakubi boobo mulawo uyu ngoontoomulembela ngupya mukwiinga lushinisho lwa nguwo lulaboneka muli Klistu alimwi amuli ndimwe. Ono munshinshe utooya cimana alimwi mumuni wancinencine watalika kale kubala.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 1:8

Lakwe mwiine taakalinga Mumuni, sombi wakesa mukuba kamboni wa Mumuni.

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Luka 1:50

Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Milimo ya Batumwi 13:26

“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa!

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

Kulumbaisha 61:5

NobaLesa mwakanyumfwa nshendakashomesha cakulumbila, alimwi mwakampa buboni bwa baabo bamulemeka.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”