10 Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.
Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.
Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”
Baakuya mukubenga mbelele aŋombe shabo kuli ndime neMwaami Lesa, teshi bakancaneewo ceebo ndalikushaawo pakati kabo.
Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”
Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”
Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.
Bantu bangu abo baluleme balaakunshoma akuba abuumi. Sombi na umwi akaboole pesule, teshi nkakoondwe muli nguwe.”
Mukwiinga bamwi baanji balalisukamabo shintu shakulisangalasha beene kutaamba makani akwe Jesu Klistu.
Mwebo mulishi cakwiila ayi abo basebensela muŊanda yakwe Lesa balacana cakulya mweenka umo, abalo beshikubenga milambu pacipaililo balabaana milambu iyo ibengwa pacipaililo.
Sombi mweembeshi wakenjilabo ncito uteshi mwinesho, na wabona umpe keesa kumbelele ulashishiya, wacica. Lyalo umpe ulacatawo shimwi mpeeke shimwi shilapalangana.
Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.
Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”
Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?
Anu ncibotubo kwaamba ayi Mwaami Lesa atanoolanga lyobilo bantu bacita boobo ayi mbene Isilaeli. Mutabasuminishi tubili kuleta milambu kuMwaami Lesa Shinkusu shoonse.
Sombi kushikila akumwaaka wa makumi obilo ayotatwe wa bwaami bwakwe Joashi, bapailishi kabatana kubambululawo Ŋanda yakwe Lesa.
Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.
Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.
