Maako 16:17 - Baibo Busansulushi Bwa Libuku Ili

¹⁷ Abo bashoma balaakuba ashitondesho ishi: Balaakunookusha bashikaswa muliina lyangu, balaakunokwaamba milaka imwi ipusenepusene.

Maako 16:17 교차 참조

Milimo ya Batumwi 5:16

Mpeeke bantu baanji baanji bakabungana kuswa mumandabala ashingulukite Jelusalemu. Bakaleta balwashi abaabo bakalinga kupenshekwa abashikaswa alimwi boonse bakaba kabotu.

1 Bene Kolinto 12:28

Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

1 Bene Kolinto 12:10

Mushimu ulapa umwi nkusu shakucita shaankamiko, umwi ulamupa nkusu shakwaamba maswi akwe Lesa. Umwi ulamupa nkusu shakwishiba bupusano bwa shipo shiswa kuMushimu Usalashi ashimwibo. Umwi ulamupa nkusu shakwaamba milaka yeensu, sombi umwi ulamupa nkusu shakupandulula milaka iyo.

Milimo ya Batumwi 8:7

Wakakusha bashikaswa baanji mubantu, kabooloma pakubakusha alimwi bayuminite mibili abalema myeendo bakaba kabotu.

Luka 10:17

Bali makumi osanwe aobilo alimwi abobilo bakaboola kabasangalete, kabaamba ayi, “Nkambo, ono abashikaswa boonse bakalinga kutunyumfwila nditwakalinga kubakusha muliina lyanu!”

Milimo ya Batumwi 10:46

mukwiinga bakabanyumfwa kabaamba mishobo yeensu akulumbaisha Lesa pashintu shinene nshaacita. Lyalo Pita wakaamba ayi,

Joni 14:12

Ntoomulwita calushinisho ayi uyo woonse ushoma muli ndime, ulaakukonsha kucita nsheencita. Ncakwiila ulaakucita ashiinda pasheesho nsheencita ceebo ntooya kuli baTa.

Milimo ya Batumwi 19:6

Lyalo Paulo wakabika maansaakwe pali mbabo, mpeeke Mushimu Usalashi wakesa paboonse, bakatalika kwaamba mumishobo yeensu akushimikila makani akwe Lesa.

1 Bene Kolinto 14:2

Mukwiinga waamba mumulaka weensu taambi kubantu, sombi kuli Lesa ceebo taaku muntu nabi womwi umunyumfwa. Mushimu Usalashi ngoomwaambisha makani akwe Lesa ashisitwe.

1 Bene Kolinto 12:30

Sa boonse balicite shipo shakushilika? Sa boonse balaamba mumilaka yeensu? Sa boonse balakonsha kusansulula milaka imwi? Shoonse ishi tabwishi mboshibete, tau.

1 Bene Kolinto 13:1

Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

Milimo ya Batumwi 16:18

Wakalinga kucita boobo kwanshiku shiinji. Mpeeke Paulo wakakalala akupiluluka kwaambila shikaswa wakalinga mumwanakashi uyo ayi, “Kwiinda munkusu shakwe Jesu Klistu ntookwaambila ayi swaamo mumwanakashi uyu!” Paciindi ceenka ico shikaswa wakaswaamo.

Maako 9:38

Mpeeke Joni wakaamba ayi, “Bafundishi, twakabona muntu umwi wakalinga kukusha bashikaswa muliina lyanu, ono twakamukasha ceebo teshi wa mulikoto lyesu.”

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.