Maako 16:15 - Baibo Busansulushi Bwa Libuku Ili

¹⁵ Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Maako 16:15 교차 참조

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Maako 13:10

Sombi citaanshi, Makani Abotu alyeelete kushimikilwa kumishobo yoonse ya bantu.

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Kulumbaisha 96:3

Amwaambilishe bulemu bwakwe kumishobo yoonse, Amwaambilishe milimo yakwe ya nkusu kubantu boonse.

1 Joni 4:14

Peculu lya waawo twakabona akulwiitako bamwi ayi Lesa Ishiwesu wakatuma Mwanaakwe ayi abe Mupulushi wa cishi ca panshi.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Joni 20:21

Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Ciyubululo 14:6

Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.