Maako 1:15 - Baibo Busansulushi Bwa Libuku Ili

¹⁵ Wakaamba ayi, “Ciindi ceelete cashikila. Bweene bwakwe Lesa buli pafwaafwi. Amusanduke kuswa kushibiibi shanu, mushome Makani Abotu!”

Maako 1:15 교차 참조

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Bene Efeso 1:10

Muyeeyo uyu Lesa ngweshi akacite ciindi ceelete caakushikila, nkuleta shilengwa shoonse sha panshi akwiculu pantu pomwi mubweendeleshi bwakwe Klistu.

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

Luka 10:9

Mukashilike balwashi mundabala iyo alimwi akubaambila bantu uko ayi, ‘Bweene bwakwe Lesa bwasena pafwaafwi amwebo.’

Mateyo 10:7

Kamuya mukashimikile ayi, ‘Bweene bwa kwiculu buli pafwaafwi.’

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Luka 10:11

‘Nabi lusuko lwa mundabala ino ulo lwalamatila kumyeendo yesu twalupampa lukabe kamboni. Sombi mwishibe ayi Bweene bwakwe Lesa buli pafwaafwi!’

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

Taitasi 1:3

Mpeeke paciindi ceelete wakayubulula kushomesha uko mumakani akwe. Makani ayo wakaabika mumaansaangu, aboobo ndaashimikila kweelana aLesa Mupulushi wesu mbwaakandwiita.