Lute 1:12 - Baibo Busansulushi Bwa Libuku Ili

¹² Sobwe, amuboolelebo. Nebo ndacembela cakuteebwa tubili. Ono nabi ndayeeya ayi inga ndakonsha kushala, lyalo ndeebwa sunu mashiku akuba abaana basankwa,

Lute 1:12 교차 참조

Matalikilo 17:17

Abulaamu wakafukama akushisha ciwa panshi, sombi wakatalika kuseka ndyaakayeeya ayi, “Sa musankwa ulakonsha kuba amwaana na waba amyaaka ili 100? Sa Saala inga washala mwaana bulya mbwaashisha myaaka ili 90?”

1 Timoti 5:9

Mutanungiiwo aumwi mukalubinje mwanakashi pabaabo balembetwe, sombibo kaacite myaaka iindilila pamakumi osanwe alyomwi. Ulyeelete kuba muntu wakeebwa kumusankwa womwibo,

Matalikilo 38:11

Lyalo Juda wakaambila mulokashi wakwe Tama ayi, “Boolela kuli baiso, unooshiite uko kushikila mwanaangu Shela akakule.” Wakaamba boobo ceebo wakalinga kuloondete ayi Shela alakwe inga wacaikwa mbuli bamakwabo. Aboobo Tama wakaboolela kumishaabo.

Lute 1:11

Naomi wakakumbula ayi, “Nobana bangu mulyeelete kuboolela. Ceebonshi mutooyanda kuya anebo? Sa mutooyeya ayi inga ndakonsha kushala baana basankwa abamwi beenga bamweeba?

Lute 1:13

sa inga mwacikonsha kulindila kushikila bakula? Sa ici inga cakonsha kumukasha kweebwa kumbi? Sobwe, nobana bangu, mulishi kwaamba ayi ici nciyumu. Mwaami Lesa wamfutatila, ono ndanyumfwila nkumbu mwebo.”