Luka 7:39 - Baibo Busansulushi Bwa Libuku Ili

³⁹ Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Luka 7:39 교차 참조

Luka 7:16

Boonse bantu bakaloonda abuumbi, mpeeke bakalumbaisha Lesa kabaamba ayi, “Ncakwiila mulaluki munene wesa mukwikala pakati kesu!” Bakaamba alimwi ayi, “Lesa wesa mukupulusha bantu bakwe!”

Luka 15:2

Mpomunyaawo baFalisi abafundishi ba Milawo bakatalika kutongooka akwaamba ayi, “Uyu muntu ulatambula buyani bantu batakonkeli Milawo yakwe Mose akulyaabo?”

Maako 7:21

Ceebo mumyoyo ya bantu momuswa miyeeyo ibiibi, ya bufuule, bwiipi, bucayi,

Isaya 65:5

Kuswawaawo balaambila bamwi ayi, ‘Kamusoonoka, mutaseni pafwaafwi anebo mukwiinga ndisalalite abuumbi cakwaamba ayi mwebo tamukonshi kuncata!’ Bantu bamushobo uyo bancimabo anga mbwiishi bwenjila mumashono. Bukali bwangu pali mbabo bulibo anga ngumulilo utashimiki.

Joni 9:24

Bakamwiita lwabili musankwa uyo wakashalwa kaali moofu akumwaambila ayi, “Lemeka Lesa, waambe calushinisho mukwiinga swebo tulishi kwaamba ayi muntu uyo wakakushilika ngumucita shibi.”

Joni 7:12

Mpeeke palya pakalinga shakuŋuŋuna shiinji pali nguwe. Bamwi bantu bakalinga kwaamba ayi, “Ngumuntu kabotu.” Ingayi bamwi ayi, “Sobwe, utoolubya bantu.”

Joni 4:19

Mwanakashi uyo wakaamba ayi, “Nkambo, ndeshiiba ono ayi muli balaluki.

Luka 18:4

Nshiku shakafulabo moomboloshi uyo kaakaka, sombi pesule wakalyaamboosha mwiine ayi, ‘Nakubi kwaamba ayi nshiloondi Lesa nabi kulemeka muntu,

Luka 16:3

Mpeeke shikulama buboni uyo wakalyaamboosha mumoyo ayi, ‘Ntoocita buyani ono mwaami wangu mbwaatooyanda kunkusha ncito? Nshicite nkusu shakulima alimwi kusengelela kulampa nsoni.

Luka 7:37

Ono mundabala yeenka iyo mwakalinga mwanakashi mufuule. Ndyaakanyumfwa ayi Jesu utoolya muŋanda ya muFalisi uyo, wakatola musaashi wakapangwa kulibwe lya alabasita kauswite mafuta anunkila kabotu amakwebo.

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Tushimpi 23:7

ceebo ngumuntu uyo ubikabo maano kumweelo wa shakulya isho. Pakulya ulaamba ayi, “Kolyabo, konwabo,” sombi mumoyo kaacimitwe.

2 Baami 5:20

Geyasi musebenshi wakwe Elisha wakalyaamboosha ayi, “Mwaami wangu waleka Naamani waya cakutalipilaawo nabi kaniini! Mbubo neenga watambula shalinga shabenga mwine Silya ulya. Bweenka mbocibete lushinisho ayi Mwaami Lesa ngumuumi, mbweeke ubo ntoomukonkela nje mbweseeko nakaceyi.”

Luka 12:17

Ndyaakabona boobo, wakatalika kuyeeya mumoyo ayi, ‘Ntoocita buyani butala nshicite mwakubika shakulya shangu shoonse ishi?’

Mateyo 20:16

Lyalo Jesu wakaamba ayi, “Bacaalishi balaakuba bataanshi, abalo bataanshi balaakuba bacaalishi.”

Mateyo 21:11

Bantu baanji baanji balya bakakumbula ayi, “Uyu nguJesu mulaluki wa kuNasaleti mucishi ca Galili.”

Luka 7:38

Wakashika weemikana kwisule lyakwe Jesu pafwaafwi ashimpanta kaalilabo buumpute. Wakatontosha shimpanta shakwe Jesu aminsonshi yakwe akutalika kwiipukuta amisusu yakwe. Mpeeke wakafyonta shimpanta akushitila mafuta ayo.

Luka 7:40

Sombi Jesu wakamwaambila ayi, “Simoni ndicite cakukulwiita.” Simoni wakakumbula ayi, “Nciinshi noBafundishi?”