Luka 6:6 - Baibo Busansulushi Bwa Libuku Ili

⁶ Pabushiku bumwi bwakookesha bwa Cibelu, Jesu wakenjila mucoonde ca baJuda mukwiisha. Mucoonde umo mwakalinga musankwa wakalinga kuyuminite lyaansa lyalulyo.

Luka 6:6 교차 참조

Joni 5:3

Mutwaanda umo mwakalinga koona balwashi baanji mbuli boofu, balema abakalinga kuyuminite mibili. [Aba bakalinga kulindila maanshi kufundoolwa.

Luka 4:31

Mpomunyaawo wakaya kuKapenaumu ndabala ya mucishi ca Galili. Uko wakalinga kwiisha bantu pabushiku bwakookesha bwa Cibelu.

Luka 4:16

Jesu wakashika kuNasaleti uko nkwaakakulila. Mpeeke kweelana ambwaakalinga kushibite, pabushiku bwakookesha bwa Cibelu wakaya kucoonde ca baJuda. Wakanyamuka kwaamba ayi abelenge Malembo akwe Lesa kubantu.

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Joni 9:16

BaFalisi bamwi bakaamba ayi, “Uyo muntu wacita ceeci taaswi muli Lesa mukwiinga taakonkeli mulawo wa bushiku bwakookesha bwa Cibelu.” Sombi bamwi bakaamba ayi, “Ino ono mucita shibi inga wacikonsha buyani kucita shaankamiko mbuli sheeshi?” Aboobo bakapansaana beene abeene.

Luka 14:3

Lyalo Jesu wakeepusha baFalisi abafundishi ba Milawo ayi, “Sa Milawo ilatusuminisha kushilika pabushiku bwakookesha bwa Cibelu nabi tau?”

Luka 13:10

Pabushiku bumwi bwakookesha bwa Cibelu, Jesu wakalinga kwiisha mucoonde ca baJuda.

Luka 6:1

Bumwi bushiku Jesu abashikwiiya bakwe bakalinga kwiinda mumyuunda ya witi pabushiku bwakookesha bwa Cibelu. Ndibakalinga kuya ceenda, bashikwiiya bakwe bakatalika kuyapa mitwi ya witi akwiipekesa mumaansa akunoolya witi.

1 Baami 13:4

Mwaami Jeloboamu ndyaakanyumfwa boobo, wakamutondeka munwe kwaamba ayi, “Amucate musankwa ulya!” Mpomunyaawo lyaansa lya mwaami uyo lyakayumabo nta cakwaalilwa kuliboosha mboliba lyoonse.

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Luka 6:5

Lyalo Jesu wakabaambila ayi, “MwanaaMuntu ngoMwaami wa bushiku bwakookesha bwa Cibelu.”