22 Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”
Paceebo ceeco bakaamba ayi, “Sa te nguJesu mwanaakwe Josefu? Baishi abanyina tulibeshi, ino ono inga waamba buyani ayi, ‘Wakaswa kwiculu?’ ”
Ndimwe mwiindaawo kuboneka kabotu pabasankwa bamwi boonse, awalo mulomo wanu ulaamba caluse mukwiinga Mwaami Lesa wamupa coolwe ca lyoonse alyoonse.
Musongo ulashibilwa kumaano akunyumfwisha shintu. Mubandi ubotu ulalengesha bantu kusuna kukutika.
Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.
Nakubi boobo bantu aba bakaalilwa kumukoma ceebo wakaamba mubusongo bwa Mushimu Usalashi.
Balo bakakumbula ayi, “Tatuna kubonaawo kale muntu waamba mbuli woolya, sobwe.”
mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.
Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.
Mulomo wakwe ulicite mise kuufyonta, ncakwiila shoonse shili pali nguwe shilankonda abuumbi. Anu usunikwi wangu, ee, mweensuma mbwaabete ubo nobanakashi ba kuJelusalemu.
Liswi lyeelete paciindi ceelete lilibo anga cisepo ca golodi cabikwa mucintu ca silifa.
Mulomo wa muntu ululeme ulishi ceelete kwaambikwa, sombi mulomo wa mucita shibi ulishibo kwaamba shibiibi.
Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.
Bantu boonse bakakankamana ndibakanyumfwa kukumbula kwakwe kwabusongo.
Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.
Bashali bakwe ndibakamubona bakacatabo pamilomo. Lyalo banyina bakaamba ayi, “Omwanaangu ino watupensheshanshi bobulya? Bona nebo abaiso twalinga kwisa cikulangoola katulisukeme abuumbi.”
Lyalo wakabaambila ayi, “Sunu malembo aya acitika cancinencine kweelana ambomwaanyumfwa kaabelengwa.”
Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”
