5 Misena yoonse ikuneme ilaakufukilwa alimwi tulundu ashuulu shoonse shilaakweelanishikwa. Nshila shipetookitepetookite shilaakululamikwa. Asheesho shoonse shicite mankununkunu shilaakweelanishikwa.
“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.
Misena yoonse ikuneme ilaakutuntuka. Tulundu toonse tulaakweelanishikwa ashuulu shoonse shilaakumwayoolwa cakucaalabo anga muliwesa. Misena ya mankununkunu ilaakweelana.
“Tulundu toonse ndaakutumwayoola kwaamba ayi pakabe pakwiinda bantu bangu. Ncakwiila ndaakubabambila mikwakwa inene ayi beendeemo.
Ndaakutanjila kunembo lyako akukumwailako tulundulundu ayi peelane. Ndaakupwayoola shisasa sha bulonse sha kuminjililo akunyonyoola mingwala ya nshimbi ya kushisasa.
Shisamu shoonse sha mucishi shilaakwishiba ayi ndi Mwaami Lesa. Ndawisha shisamu shilaamfu akulengesha shisamu shiniini kukomena. Ndayumya shisamu shisonsete akulengesha shisamu shiyumu kusonsa. Nebo neMwaami Lesa ndaamba alimwi ndaakucicita.”
Mushomi mukandu ulyeelete kusangalala na Lesa wamusumpula.
