Luka 23:31 - Baibo Busansulushi Bwa Libuku Ili

³¹ Ino ono na bantu kabacita boobo kucisamu cicili citontola, ino kulaakuba buyani caakuyuma?”

Luka 23:31 교차 참조

Joni 15:6

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Jelemiya 25:29

Amubone ntooyanda kutalika kuleta mapensho pandabala iyo iitwa liina lyangu. Sa ncakwiila mutooyeeya ayi nkamulekebo kutamupa mulandu? Sobwe, teshi nkamulangebo kwakutamupa mulandu ceebo ndaakuleta nkondo pali boonse abo bekala mucishi ca panshi. Nebo neMwaami Lesa Shinkusu shoonse ndaamba.’

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.

Bene Ebulu 6:8

Sombi na mumuunda umo kamumena myuumfwa alimwi atulembwelembwe taucite mpindu alimwi ingayi Lesa uli pafwaafwi kuushingana, pesule akuunyonyoola mumulilo.

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Luka 23:30

Lyalo balaakutalika kwaambila tulundu tunene ayi, ‘Amutuwiite’ alimwi atulundu tuniini ayi, ‘Amutufwekelele.’

Luka 23:32

Bakatola abamwi bobilo abo bakalinga beepi ayi abalo bakapopwe pamicilingano pantu pomwi aJesu.