Luka 23:2 - Baibo Busansulushi Bwa Libuku Ili

² Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Luka 23:2 교차 참조

Joni 19:12

Ndyaakanyumfwa boobo, Pilato wakalinga kusuni kwaangulula Jesu, sombi baJuda bakoolobesha ayi, “Na mwaangulule muntu uyo, ingayi tamubete shicibusa wakwe Sisa muleli munene wa kuLoma. Uyo woonse ulipa bwaami, ingayi ngumulwani wa muleli munene wa kuLoma.”

Luka 23:14

Lyalo wakabaambila ayi, “Uyu muntu mwakamuleta kuli ndime ayi ulayungoola bantu ayi babukile cishi cino. Ono nebo ndindamwiipushisha noonse kamuliiwo, ndacana kwaamba ayi taaciteewo mulandu pashikani shoonse nshemwalinga kwaamba pali nguwe.

Milimo ya Batumwi 24:5

Twacana kwaamba ayi musankwa uyu taanyumfwi. Ngushi kutalika shimfulunganya pakati ka baJuda mucishi coonse alimwi ngumutanjilili wa likoto lya bene Nasaleti.

Joni 18:30

Balo bakamukumbula ayi, “Naatalinga kucita shibiibi muntu uyu, naakwiinga tatumuleti kuli ndimwe.”

Maako 12:17

Lyalo Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.” Mpeeke bakakankamana ndibakanyumfwa kukumbula kwakwe.

Mateyo 22:21

Abalo bakamukumbula ayi, “Nshakwe Sisa, muleli munene wa kuLoma.” Alakwe Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.”

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Jelemiya 38:4

Mpomunyaawo bacinenenene bakaambila mwaami ayi, “Muntu uyu ulyeelete kucaikwa ceebo utootyongosha bashilumamba abantu abo bakacaala mundabala inene ino kumakani ngaatoobalwiita. Muntu uyu taasuni kucafwa bantu, sombi uliimfwibo pakunyonyoola.”

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Kulumbaisha 62:4

Ncemupingitebo nkumukusha mubulemu bwakwe. Mulasangalala abuumbi mumakani abubeshi. Mulapa coolwe amilomo yanu, sombi mumyoyo yanu kamushingana.

Milimo ya Batumwi 24:13

Inga tabacikoonshi nabi kutondesha ayi shoonse nshebatoombekesha nshalushinisho.

Luka 23:5

Sombi balo bakayuminina kumubekesha kabaamba ayi, “Ulayungoola akufulunganya bantu mukwiisha kwakwe mucishi coonse ca Judeya. Wakatalikila kuGalili ono ngooyu washika akokuno.”

Mateyo 17:27

Ono kwaamba ayi tutabakalashi basonkeshi aba, koya kulweenge ukalobe. Inswi njeshi utaangune kuloba, wiicenamune mukanwa. Utoocanamo maali akwana musonko wangu awaako, utole uye ukasonke.”

Amosi 7:10

Amasiya mupailishi wa kuBetelo wakalalukila Jeloboamu mwaami wa bene Isilaeli ayi, “Amosi utoopinga kumubukila pakati ka bantu boonse. Nshaatokwaamba shitoonyonyoola cishi ici coonse.

Kulumbaisha 35:11

Bakamboni babeshi baleemikana akunshinina, ncakwiila balanshinina pashikani nshenteshi.

1 Baami 18:17

Ndyaakamubona Aabu wakaamba ayi, “Ndakucana sunu, webo noocita shifulunganya mucishi ca Isilaeli coonse!”

Mateyo 27:11

Mpeeke Jesu bakamwiimika kunembo lya mweendeleshi wa kuLoma uyo wakamwiipusha ayi, “Sa ndiwe mwaami wa baJuda?” Jesu wakamukumbula ayi, “Mwacaamba nobeene.”

Maako 15:2

Mpomunyaawo Pilato wakeepusha Jesu ayi, “Sa ndiwe Mwaami wa baJuda?” Jesu wakamukumbula ayi, “Mwacaamba nobeene.”

Joni 18:29

Lyalo Pilato wakaswita pansengwe akuya kuli mbabo mukubeepusha ayi, “Ngumulandunshi ngoomutoopa muntu uyu?”

Bene Loma 13:7

Aboobo lipila misonko yoonse yeelete kubeendeleshi, akubalemeka.