7 Lyalo bashikwiiya bakeepusha ayi, “Bafundishi, ino ishi shilaakucitika lili alimwi tulaakwishibila kunshi ayi shintu shoonse ishi shitooyanda kucitika?”
“Na mukabone Cintu cilya Ciloondesha ico cibisha kaciimfwi pamusena mpociteelete kuba, (utoobelenga anyumfwishishe), lyalo abo bali kuJudeya bakacicile kutulundu.
“Ntoomulwiita calushinisho ayi shintu shoonse ishi shilaakucitika bantu boonse baliiwo bulya kabatana kumaninina kufwa.
Jesu ndyaakalinga kushiite paKalundu ka Olifi, bashikwiiya bakwe bakaya kuli nguwe beenka akumwiipusha ayi, “Amutulwiite, ino shintu ishi shilaakucitika lili? Tulaakwishibila kunshi ayi ciindi cakwisa kwanu alimwi amamanino a cishi shashikila?”
Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”
Lyalo womwi pakati ka bantu abo wakeepusha wooyo wakalinga kufwete shakufwala sha nsalu iteshimite uyo wakalinga kwiimfwi peculu lya maanshi a mumulonga ayi, “Citooba ciindi cilaamfu buyani, shintu ishi shiloondesha kashitana kucitika cancinencine?”
“Ishi shoonse nshemubwene, cilaakushika ciindi ndyeshi kukabule libwe nabi lyomwi palibwenyina. Mabwe oonse alaakumwayululwa.”
Jesu wakaamba ayi, “Amucenjele kwaamba ayi kutakabi muntu nabi womwi eshi akamucenjeeke. Mukwiinga bantu baanji balaakwisa muliina lyangu kabaamba ayi, ‘Ndime wooyo Usalitwe wakwe Lesa!’ alimwi ayi, ‘Ciindi cashikila!’ Mutakabakonkeli.
