Luka 18:32 - Baibo Busansulushi Bwa Libuku Ili

³² Mukwiinga MwanaaMuntu ulaakwaabwa mumaansa a baswamashi bakunsengwe abo beshi bakamuweluluke, kumutukana, akumushipila mate.

Luka 18:32 교차 참조

Luka 23:11

Elodi abashilumamba bakwe bakaweluluka Jesu akumunyansha. Lyalo bakamufwalika cisani cibotu akumuboosha kuli Pilato.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Maako 14:65

Mpomunyaawo bamwi bakatalika kumushipila mate, bamufweka pameenso, bamuuma akumwiipusha ayi, “Twaambile na inga wamwishiba wakuuma?” Abalo beshikulindilila bakeendililabo kunomuuma makoofi.

Mateyo 26:67

Mpomunyaawo bakamushipila mate pameenso akumuuma. Bamwi bakamuuma mapaka

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Mika 5:1

Nobene Jelusalemu, amubunjike bashilumamba banu, twashingulukwa a balwani. Booma muleli wa bene Isilaeli kumeenso amusako.

Isaya 52:14

Bantu baanji bakalinga kukankamana ndibakamubona. Ciwa cakwe cakalinga caswa mubuntu, cakwaamba ayi cakalinga ciyumu kwishiba ayi ngumuntu.

Milimo ya Batumwi 2:23

Kweelana akuyanda kwakwe mwiine Lesa, wakabambila limwi ayi Jesu ulaakwaabwa mumaansaanu. Mpeeke mwebo mwakalengesha ayi bamucita shibi bamupope pamucilingano.

Joni 18:35

Pilato wakaamba ayi, “Sa nebo ndi muJuda? BaJudanyoko abamatanjilili ba bapailishi mbobakuleta kuli ndime. Ino wakacitanshi?”

Joni 18:30

Balo bakamukumbula ayi, “Naatalinga kucita shibiibi muntu uyu, naakwiinga tatumuleti kuli ndimwe.”

Joni 18:22

Ndyaakamana kwaamba boobo, shikulindilila wakalinga kwiimfwi pafwaafwi wakamuuma lupaka pameenso akwaamba ayi, “Sa mbobakumbula mupailishi munene ubo?”

Luka 23:35

Bantu bakalinga kwiimfwi mweela kabeebela, beendeleshi babo ndibakalinga kuweluluka Jesu kabaamba ayi, “Wakapulusha bamwi ono aalipulushe mwiine, na ngoUsalitwe uyo Lesa ngwaakasala!”

Luka 23:1

Bantu boonse abo bakanyamuka, akutola Jesu kuli Pilato.

Mateyo 27:2

Mpeeke Jesu bakamwaanga akumutola mumaansa akwe Pilato, mweendeleshi wa kuLoma.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Mateyo 20:19

akumwaaba kubaswamashi bakunsengwe. Balaakumuwela, kumukwiipa akumupopa pamucilingano. Sombi pabushiku bwatatu ulaakubushikwa kuswa kubafu!”

Mateyo 22:6

Ono bamwi bakacaala, bakacata basebenshi bamwaami babapensha akubacaya.

Luka 18:33

Balaakumukwipa akumucaya, sombi pabushiku bwatatu ulaakubushikwa kuswa kubafu.”

Joni 18:32

Shakacitika kweelana abwakaamba Jesu ndyaakaamba shalufu lwakwe.