9 Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.
Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”
“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.
Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”
Ono na kamutashomeki pabuboni bwa pacishi cino, ino ngani eshi akamushoome akumupa buboni bwancinencine?
Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.
Lyalo ulaakupekwa coolwe mukwiinga balo inga tabacikoonshi kucita mushobo womwi kuli ndiwe. Lesa ulaakukulambula pabushiku ubo bantu basalalite ndyeshi bakabushikwe kuswa kubafu.”
Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.
Amupe bapengete isho shintu shili munkomeshi ambale, lyalo shoonse shintu shilaakumusalalila.
Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse
“Taaku musebenshi weenga wasebensela baami bobilo, mukwiinga ulapata umwi akusuna umwi, nabi kunyumfwila umwi akusuula umwi. Nkokwaamba ayi tamukoonshi kusebensela Lesa abuboni.”
Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi.
“Mutanoolibikila bubile pacishi ca panshi pano, apo tubambala andalabwa mposhinyonyoola alimwi abeepi mpobenjila akwiipa.
Amwikale mulusuno lwakwe Lesa pakunoolindilila buumi butamaani Mwaami wesu Jesu Klistu mbweshi akatupe munkumbu shakwe.
Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.
Bika maali mumakwebo ako aba kushishi shimwi. Paakwiinda nshiku shiinji ulaakucana mpindu.
Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.
Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.
Mubili abuumi bwangu shilaakumana. Sombi Lesa nshenkusu shangu, ngoompa shiyandika shoonse mubuumi bwangu.
Ono mbulya mbweshi ncite kwaamba ayi bantu bakanoontambula mumaandaabo ndaakuswa ncito.’
Bubile ncilambu ca basongo, sombi buluya bulashala buluyanyina.
