Luka 16:22 - Baibo Busansulushi Bwa Libuku Ili

²² “Musankwa mupenshi uyo wakafwa, muuya wakwe baanjelo bakautola kwiculu kulubasu lwakwe Abulaamu. Muntu mubile uyo alakwe wakafwa akufukilwa.

Luka 16:22 교차 참조

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

Ciyubululo 14:13

Lyalo ndakanyumfwa liswi kuswa kwiculu lyakwaamba ayi, “Ulembe ayi, Balicite coolwe abo beshi bakafwite mumulimo wa Mwaami kuswa sunu!” Mushimu Usalashi wakakumbula ayi, “Ncakwiila balicite coolwe! Balaakookesha kuswa kumilimo yabo iyumu mukwiinga micito yabo ilabakonkela.”

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Joni 13:23

Shikwiiya umwi mulikoto lyabo, uyo Jesu ngwaakalinga kusunishi, wakalinga kubambene akwe.

Maako 8:36

Ino mbubotunshi buliimo na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo!

Shikushimikila 8:10

Ndakabona bamucita shibi kababikwa mushuumbwe. Bantu abo bakalinga kwinjila akuswa mumusena usalalite alimwi akulumbaishikwa mundabala inene umo mobakalinga kucitila shibiibi isho. Ici acalo taaku mbocibete.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Jobo 21:13

Balekala cakuliiba alimwi balafwa muluumuno.

Bene Ebulu 2:14

Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.

Joni 21:20

Pita ndyaakacebukila kwisule, wakabona shikwiiya uyo Jesu ngwaakalinga kusunishi keesa, shikwiiya uyu ngowooyo wakayaamina Jesu pabushiku ndibakalinga kulya mulalilo alimwi akwiipusha ayi, “Ngani eshi amwaabe noBaami?”

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

Isaya 22:16

‘Anu utoocitanshi kuno? Ngani wakusuminisha kulipangila cuumbwe kuno? Ngani wakusuminisha kulibesela cuumbwe pakalundu aka? Ee, kulibesela mumwaandami kuno?

Isaya 14:18

“Bamaami bamwi ba mishobo imwi yoonse boonekwa mushuumbwe, ee, womwi awomwi ulicite cuumbwe cakwe.

Luka 16:21

Lasalo wakalinga kuminina mate uto twakulya twakalinga kulokeela panshi lya tebulu ya muntu mubile uyo. Abalo bakabwa bakalinga kwisa mukunoomumyanguta pashilonda.

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.