Luka 14:27 - Baibo Busansulushi Bwa Libuku Ili

²⁷ Uyo woonse utanyamuni mucilingano wakwe akunkonkela, inga taabi shikwiiya wangu.

Luka 14:27 교차 참조

Mateyo 10:38

Uyo woonse utanyamuni mapensho akwe anga ngumucilingano akunkonkela, taaelete kuba waangu.

Maako 10:21

Lyalo Jesu wakamulangilishisha calusuno akumwaambila ayi, “Kwacaalabo cintu comwi. Koya ukoolishe shintu shoonse nshoocite. Maali ngweshi ukacaneemo, ukaabile bakandu, lyalo ulaakucana bubile kwiculu. Na umanishe kucita boobo, ndyeshi use unkonkele.”

2 Timoti 3:12

Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Mateyo 13:21

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

Joni 19:17

Wakaswa mundabala ilya kaayumwite mucilingano wakwe kuya kumusena wiitwa ayi, “Cifuwa ca mutwi.” (MuciEbulu balaamba ayi, “Gologota.”)

Maako 15:21

Ndibakalinga kuya munshila, bashilumamba bakakumanya musankwa umwi wiitwa ayi Simoni wa kuSailini kaaswa mumishi. Mpeeke bashilumamba bakamukakatisha ayi anyamune mucilingano wakwe Jesu. (Simoni wakalinga ngoishi Alekisanda aLufasi.)

Luka 14:28

“Ngani mulikoto lyanu, na utooyanda kuyaka ŋanda ilaamfu ya maanda peculu, weenga wabula kwikala panshi akubona na ulicite maali aanji akwaamba ayi amanishe ŋanda iyo?