Luka 12:45 - Baibo Busansulushi Bwa Libuku Ili

⁴⁵ Ono na musebenshi uyo waamba mumoyo wakwe ayi, ‘Mwaami wangu wacelwa kwisa,’ lyalo watalika kuuma basebenshinyina basankwa abanakashi alimwi akutalika kulya, kunwa akukolwa.

Luka 12:45 교차 참조

Ciyubululo 18:24

Ndabala inene ya Babiloni yakapekwa mulandu ceebo ca bulowa bwa balaluki alimwi abwa bashomi boonse bwakacanika mumo. Ee, abulowa bwa bantu boonse bakacaikwa mucishi ca panshi.

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

2 Pita 2:19

Balashomesha babyaabo lwaanguluko, sombi balo beene mbasha ba shintu shinyonyoola buumi. Mukwiinga muntu ulaba musha wa cintu cili coonse camukoma.

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

1 Bene Tesalonika 5:7

Mukwiinga abo boona, baloona mashiku alimwi abo bakolwa, balakolwa mashiku.

2 Bene Kolinto 11:20

Ceebo mwebo mulakondwa bantu bamutola mubusha, na bamunyengelela shintu, na bamubeca, na bamulenga buluya nabi bamuuma mpaka kumeenso.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Mateyo 22:6

Ono bamwi bakacaala, bakacata basebenshi bamwaami babapensha akubacaya.

Esekelo 34:8

‘Kweelana ambocibete lushinisho ayi nebo neMwaami Lesa Shinkusu shoonse ndi muumi, mbweeke ubo mulyeelete kunyumfwila. Ono ceebo cakwaamba ayi litanga lyangu lyabula mweembeshi, banyama ba muluundu bakacaya mbelele akushilya. Beembeshi bangu tabakwe kuyandoola litanga lyangu, sombi bakalinga kunoolilamabo beene, kuteshi kulama mbelele shangu.’

Esekelo 12:22

“Webo omuntu, Ceebonshi bene Isilaeli ncebaambila kashimpi aka kakwaamba ayi, ‘Nshiku shileenda, sombi taaku cili anga nciloto cicitika cancinencine?’

Jelemiya 20:2

wakangumisha kubantu akuŋanga mancetani. Lyalo wambika kuMwinjililo wakwe Benjameni waPeculu wa kuŊanda ya Mwaami Lesa.

Isaya 65:6

“Amubone mulandu wabo ulilembetwe kale, ncakwiila teshi nkoomunebo, sombi ndaakuboosha cishole cikwene, ee, cishole pabubi ubo mbobakacita.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Luka 12:44

Ntoomulwiita calushinisho ayi mwaami wakwe ulaakumupa mulimo wakulama shintu shoonse nshaacite.

Luka 12:46

Mwaami wa musebenshi uyo ulaakwisa pabushiku mbwaatengashite aciindi ncaateshi. Ulaakumupa mulandu akumuwaala kooko nkweshi kukanooli batashomeki.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

Joni 2:10

akumwaambila ayi, “Bantu boonse balataanguna kwaaba waini ubotu, kuswawaawo nkokunwa waini utabete kabotu, sombi webo walinga kubikitebo waini ubotu kushikila cino ciindi.”

Milimo ya Batumwi 2:18

Ee, ndaakutila Mushimu wangu apabasebenshi bangu, basankwa abanakashi munshiku isho, alimwi balaakwaamba maswi angu.

Jobo 24:23

Ulamulekabo ayi ekala cakuliiba, sombi nshila shakwe shoonse ulishibwene.