26 Ino ono na tamucikoonshi kucita kantu kaniini mbuli kaako, mulalisukaminanshi ashintu shimwi shoonse?
Amutole kulisukama kwanu koonse kuli nguwe ceebo ngoomulama.
Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.
Koyeeya isho shakacita Lesa. Ngani weenga woolola cintu ncaakakonkomeka kale?
“Anu mutanoolisukama nabi kuyeeya bunene nceshi mulye nabi kunwa.
“Paceebo ceeco, ntoomwaambila ayi mutalisukami mubuumi bwanu, ayi na ndaakulyanshi nabi kunwa nabi ayi nkafwalenshi? Sa buumi tabuyandiki kwiinda cakulya, awalo mubili sa tauyandiki kwiinda shakufwala?
Ngani pali ndimwe weenga walinungilako buumi napaceyi kwiinda mukulisukama pashintu ishi?
Amuyeeye maluba a muluundu mbwaakula. Taasebensi nabi kutunga shakufwala, sombi ntoomulwiita ayi nabi Solomoni mububile bwakwe boonse, taakwe kubaawo ashakufwala shibotu shiboneka mbuli maluba ayo.
