17 Ndyaakabona boobo, wakatalika kuyeeya mumoyo ayi, ‘Ntoocita buyani butala nshicite mwakubika shakulya shangu shoonse ishi?’
Aba cintu kumuntu woonse wakusenga alimwi uyo utooyanda kubweleka utamwiimi.
Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?
Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.
Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.
Lyalo wakabakushisha pansengwe akubeepusha ayi, “Nobamaloba, ino inga ndacita buyani kwaamba ayi mpulushikwe?”
Mpomunyaawo wakamwaambila ayi, ‘Wakacita kabotu omusebenshi mubotu! Ono mukwiinga washomeka mushintu shiniini utooba mweendeleshi wa mandabala anene ali likumi.’
Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”
Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.
Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.
Ono bantu ndibakanyumfwa boobo, bakapenshekwa abuumbi mumyoyo. Lyalo bakeepusha Pita abatumwinyina ayi, “Nobamakwesu, ino tucite buyani?”
Mpeeke shikulama buboni uyo wakalyaamboosha mumoyo ayi, ‘Ntoocita buyani ono mwaami wangu mbwaatooyanda kunkusha ncito? Nshicite nkusu shakulima alimwi kusengelela kulampa nsoni.
Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.
“Anu mutanoolisukama nabi kuyeeya bunene nceshi mulye nabi kunwa.
Kuswawaawo Jesu wakaambila bashikwiiya bakwe ayi, “Paceebo ceeco ntoomwaambila ayi mutalisukami pabuumi bwanu ayi na ndaakulyanshi nabi mubili wanu ayi nkafwalenshi.
Amupe bapengete isho shintu shili munkomeshi ambale, lyalo shoonse shintu shilaakumusalalila.
Kuswawaawo kwakesa mufundishi wa Milawo wakasunka Jesu akumwiipusha ayi, “NoBafundishi, ndyeelete kucitanshi kwaamba ayi nkabe abuumi butamaani?”
Lakwe wakabakumbula ayi, “Uyo ucite shakufwala shobilo apeewo comwi mubye utacite. Alakwe ucite shakulya acite bweenka ubo.”
Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.
Mpomunyaawo bashikwiiya bakatalika kwaamba ayi, “Ncaambila boobo ceebo tatukwe kuyumuna shinkwa.”
Mpeeke Jesu wakabalwiita cikoshanyo ayi, “Umwi muntu mubile wakalinga kucite muunda umo mwakaswa shakulya shiinji.
Lyalo wakaamba ayi, ‘Mbulya mbweencite. Ntoomwaya matala angu akuyaka amwi anene mweshi nkabike shakulya shangu shoonse abuboni bwangu bumwi boonse.
