15 Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”
Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”
Ncintu cibotu kuba abuboni buunji na kooloonda Mwaami Lesa kwiinda kuba mubile uyo uli mumapensho.
Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.
Ceebo bantu balaakuba beshikulisuna, beshikuyandisha buboni, beshikulilumbaisha, beshikulisumpula, beshimatushi, batanyumfwili bashali, bataluumbi, batasalalite,
BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.
Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.
Isho mbuto shakalokela pamyuumfwa shileemikanina bantu banyumfwa maswi akwe Lesa, sombi kulisukama sha buumi bwa cishi cino, bubile ashakulisangalasha shilabakoma, aboobo tabacati shisepo shikomete.
Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.
Buboni buniini bwa muntu ululeme buleenda bwa bamucita shibi boonse.
Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.
bulale, lunkumbwa, bubi, bubeshi, kutalilemeka, munyono, bufuyishi, kulisumpula alimwi abuluya.
Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.
Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.
Satana wakakumbula ayi, “Muntu ulakonsha kupa shintu shoonse nshaacite kwiinda kufwa.
pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”
beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.
“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.
Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.
Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.
Muleli utacite maano ulalela bantu calunkutwe, sombi uyo upatite bubile bwakucanina munshila shibiibi ulaakukala buumi bulaamfu.
Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!
Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.
Mpeeke Jesu wakabalwiita cikoshanyo ayi, “Umwi muntu mubile wakalinga kucite muunda umo mwakaswa shakulya shiinji.
wakatanta pambongolo yakwe akuya kuli Akishi kuGati mukuyandoola basha bakwe. Basha abo wakabacana akubaboosha kumishaabo.
