8 Ntoomulwiita ayi, nabi akabule kubuka akukupa shinkwa mukwiinga wa cibusa anguwe, ulaakubuka akukupa coonse ncoosuni mukwiinga wakakatila kumusenga.
Lyalo musankwa uyo wakaamba ayi, “Ndeke nooya, kutooya cituba.” Jakobo wakakumbula ayi, “Teshi nkuleeke, sombibo na umpe coolwe.”
Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.
Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.
Ndisuni kwaamba ayi mwishibe mbuli mboontoosebensela mwebo, bashomi ba muLawodisiya alimwi abaabo boonse batana kumbonaawo.
Ndakapaila kuli Lesa mankanda otatwe kwaamba ayi cintu ici acikusheemo.
Ono na mubyo wakumbwitabo mukati ayi, ‘Utanshuupi! Kumulyango twacalaako kale alimwi nebo abana bangu toona kale. Inga nshikoonshi kubuka ayi nkupe coonse ncoosuni.’
Wakamulilila panshiku shosanwe ashobilo sha kusekelela kwabo, sombi pabushiku bwakweelaako wakamusansulwita ceebo wakamupensha pacikani ico. Aboobo mwanakashi wakasansulwita bene mishaabo.
Aana wakatolelela kupaila kuMwaami Lesa kwaciindi cilaamfu, lakwe Eli kaalangilishabo mulomo wakwe.
