41 Amupe bapengete isho shintu shili munkomeshi ambale, lyalo shoonse shintu shilaakumusalalila.
Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.
Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.
Shintu shoonse shilisalalite kubantu basalalite, sombi kubaabo batasalalite akutashoma, shintu shoonse tashisalalite, mukwiinga miyeeyo amyoyo yabo njibiibi.
Mutaluubi kucita shibotu alimwi akucafwana ceebo iyi njemilambu isangalasha Lesa.
Liswi lilya lyakanyumfwika alimwi ayi, “Utanokwaamba ayi taceelete kulikwa cintu coonse Lesa ncaamba ayi cilalikwa.”
Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.
Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”
Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.
Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.
Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.
Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.
Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”
Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”
Aba cintu kumuntu woonse wakusenga alimwi uyo utooyanda kubweleka utamwiimi.
Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.
Ulicite coolwe muntu uyo uyeeyela bakandu. Mwaami Lesa ulaakumufuna muciindi ca mapensho.
Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.
Ono bashomi bakayeeya kwaamba ayi womwi awomwi atume lucafwo kubashominyinaabo bakalinga kwikala kuJudeya kweelana ambwaakalinga kukonsha.
mukwiinga bakandu muli abo nshiku shoonse, sombi nebo teshi nooli anu lyoonse.
“Ceebo peenda myaaka iinji ndindakaswa kuJelusalemu, ndakayaako mukutola shipo sha maali kubaJudama bamwi bakandu, alimwi akupa shipo shimwi kuli Lesa.
Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.
Mukwiinga cakulya tacinjili mumoyo, sombi mumala. Aboobo cilaswa alimwi.” (Mukwaamba maswi aya, Jesu wakasalasha ayi shakulya shoonse shilyeelete kulikwa.)
