35 Paceebo ceeco amucenjele kwaamba ayi mumuni uli muli ndimwe utabi munshinshe.
Kuli nshila bantu njebabona ayi ililuleme, sombi kumeelelesho ilatola kulufu.
Sombi mushomi utacite sheeshi shintu uli anga ngumoofu. Wakalubaako ayi wakasalashikwa kuswa kushibiibi shakwe shikulukulu.
Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.
Balo bakalinga kwaamba ayi, “Tuli basongo,” anu mbaluyabo.
Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.
Muntu ulibeca kuba musongo kaateshi musongo ngumuluya kwiinda muluya wiinda pabaluya boonse.
“Meenso ngomumuni wa mubili. Aboobo na meenso anu kaali kabotu, amubili woonse ulaakuba mumumuni.
Meenso anu ngomumuni wa mubili wanu. Na meenso anu kaali kabotu, amubili woonse ulaba mumumuni. Sombi na meenso anu kaatabete kabotu, nkokwaamba ayi mubili woonse ulaba mumunshinshe.
Aboobo na mubili woonse uli mumumuni cakubula patooshiya napaceyi, mubili woonse unanooli mumumuni bweenka mbuli lilampi mbolikumunikila.”
