Luka 11:31 - Baibo Busansulushi Bwa Libuku Ili

³¹ Pabushiku bwakoomboloshekwa mwaami mwanakashi wa kumalenge ulaakumushinina ceebo wakaswa kweela cishi kwisa mukunyumfwa busongo bwakwe Solomoni. Sombi pano mpwaali wiinda Solomoni!

Luka 11:31 교차 참조

2 Makani 9:1

Mwaami mwanakashi wa kuShiba wakanyumfwa mpuwo yakwe Solomoni mukulambila liina lya Mwaami Lesa, wakanyamuka kuswa kuJelusalemu kwisa mukumwiipusha miipusho iyumu kukumbula. Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

Bene Loma 2:27

Paceebo ceeci, na uyo utakwe kupalulwa kaakonkela Milawo, ulaakukushinina webo omuJuda nowakapalulwa alimwi nowakapekwa Milawo, sombi tooikonkeli.

Luka 3:22

Lyalo Mushimu Usalashi wakaseluka pali nguwe mbuli mpolobe aliswi lyakanyumfwika kuswa kwiculu ayi, “Ndiwe Mwanaangu ngoonsuni abuumbi. Pali ndiwe ndikondetwe abuumbi.”

Mateyo 12:42

Pabushiku bwakoomboloshekwa, mwaami mwanakashi wa kumalenge ulaakumushinina ceebo wakaswa kweela cishi kwisa mukunyumfwa busongo bwakwe Solomoni. Sombi pano mpwaali wiinda Solomoni!

Jelemiya 3:11

Ono Mwaami Lesa wakandwiita ayi, “Isilaeli utashomeki ulilulemeeko kwiinda Juda.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Luka 9:35

Lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngundakasala, aboobo amumunyumfwile!”

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.