Luka 10:16 - Baibo Busansulushi Bwa Libuku Ili

¹⁶ Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 10:16 교차 참조

Joni 13:20

Ntoomulwiita calushinisho ayi uyo woonse utambula womwi wa baabo mbondatuma, ulatambula ndime alimwi uyo woonse utambula ndime, ulatambula awooyo wakantuma.”

Mateyo 10:40

“Uyo woonse utambula ndimwe, ulatambula ndime alimwi uyo utambula ndime, ulatambula baTa abo bakantuma.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Joni 12:44

Lyalo Jesu wakoolobesha ayi, “Muntu na washoma muli ndime, taashomibo ndime, sombi ulashoma awooyo wakantuma.

Maako 9:37

“Uyo woonse utambula mwanike wa mbuli wooyu muliina lyangu, ulatambula ndime. Uyo woonse utambula ndime, taakwe kutambulabo ndime, sombi watambula awooyo wakantuma.”

Mateyo 18:5

Uyo woonse utambula mwanike wa mbuli wooyu muliina lyangu, ulatambula ndime.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Milimo ya Batumwi 5:4

Kootana kubuulisha bwakalinga bwaako alimwi andiwakoolisha, maali akalinga aako. Ono nciinshi ncewakayeeyela kucita cintu ca mushobo wooyu? Anu tookwe kubeca bantu, sombi Lesa mwiine!”

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Shakubelenga 16:11

Na mutootongooka pali Aloni, nkokwaamba ayi nguMwaami Lesa uyo webo alimwi abaabo batookukonkela ngomutoobukila.”

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?

Kulonga 16:7

Macuunsa mutoobona bulemu bwa Mwaami Lesa mukwiinga wanyumfwa matongooshi anu kuli nguwe. Ncakwiila ngomutootongookela ceebo swebo tutokonkelabo milasho yakwe.”

Shakubelenga 14:2

Bakalinga kutongookela Mose aAloni kabaamba ayi, “Nicakabota kufwita mucishi ca Ijipiti nabi momuno muluyanga!

Kulonga 16:8

Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”

Bene Galatiya 4:14

Nakubi kwaamba ayi bulwashi bwangu bwakamupensha, tamukwe kunsuula nabi kunaama. Sombi mwakantambula anga ngumunjelo wakwe Lesa nabi anga nguKlistu Jesu mwiine.